USD 336.23 EUR 360.3 RUB 5.28
استانا:

ن.نازاربايەۆ: قازاقستان مەن قىرعىزستان اراسىندا ەشقانداي شەشىلمەگەن ماسەلە ٴبولماۋى تيىس

فوتو: Ақорда

قازاقستان پرەزيدەنتى نۇرسۇلتان نازاربايەۆ قىرعىز رەسپۋبليكاسىنىڭ سىرتقى ىستەر ٴمينيسترى ەرلان ابدىلدايەۆپەن كەزدەستى، دەپ حابارلايدى اقوردانىڭ ٴباسپاسوز قىزمەتى.

كەزدەسۋ بارىسىندا قازاقستان مەن قىرعىزستاننىڭ ٴوزارا ٴىس-قيمىلىنىڭ باستى باعىتتارى جانە ەكى ەلدىڭ بىرلەسكەن جۇمىسىنىڭ الداعى پەرسپەكتيۆالى سالالارى تالقىلاندى.

بۇدان بولەك، تاراپتار وڭىرلىك جانە حالىقارالىق كۇن تارتىبىندەگى وزەكتى جايتتار جونىندە پىكىر الماستى.

نۇرسۇلتان نازاربايەۆ قازاقستان مەن قىرعىزستاندى تاريحي دوستىق جانە تىعىز ىنتىماقتاستىق بايلانىستىرىپ وتىرعانىن اتاپ ٴوتتى.

– ەلدەرىڭىز ٴبىزدىڭ جاقىن كورشىمىز ٴارى سەرىكتەسىمىز بولىپ سانالادى. ارامىزدا ەشقانداي شەشىلمەگەن ماسەلە بولماۋى ٴتيىس جانە قارىم-قاتىناسىمىز باسقالارعا ۇلگى بولۋى كەرەك. الەمدەگى كۇردەلى ەكونوميكالىق جانە ساياسي احۋالدى ەسكەرە وتىرىپ، بىرگە بولۋىمىز قاجەت، – دەدى قازاقستان پرەزيدەنتى.

ە.ابدىلدايەۆ قىرعىزستان پرەزيدەنتى ا.اتامبايەۆتىڭ سالەمىن جەتكىزىپ، ەكىجاقتى ىنتىماقتاستىقتىڭ ودان ٴارى نىعايا بەرەتىنىنە سەنىم ٴبىلدىردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي