BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

ٴباسپاسوز حاتشىسى نۇرسۇلتان نازاربايەۆتىڭ جۇمىس كەستەسى تۋرالى ايتىپ بەردى

فوتو: Ақорда

پرەزيدەنتتىڭ ٴباسپاسوز حاتشىسى ايدوس ۇكىباي مەملەكەت باسشىسىنىڭ الداعى ۋاقىتتاعى جۇمىس كەستەسى تۋرالى ايتىپ بەردى، دەپ حابارلايدى baq.kz اقپارات اگەنتتىگى.

جۇمىس كەستەسى ەلباسىنىڭ قاتىسۋىمەن وتەتىن سىرتقى ساياسي وقيعالارعا قاتىستى كەلىپ جاتقان سۇراقتارعا بايلانىستى جاريالانعانى حابارلانعان.

13 ناۋرىزدا ەلباسى كورەيا رەسپۋبليكاسىنىڭ ۇلتتىق اسسامبلەياسىنىڭ سپيكەرى چون سە گيۋنمەن كەزدەسۋ وتكىزەدى.

14 ناۋرىزدا نۇرسۇلتان نازاربايەۆتىڭ شاقىرتۋىمەن تاجىكستان رەسپۋبليكاسىنىڭ پرەزيدەنتى ەمومالي راحمون رەسمي ساپارمەن كەلەدى. رەسمي ساپار بارىسىندا ەكى ەل باسشىسى كۇن تارتىبىنە قويىلعان ەكىجاقتى ايماقتىق جانە حالىقارالىق ماسەلەلەردى تالقىلايدى.

15 ناۋرىزدا قازاقستان پرەزيدەنتى ورتا ازيا ەلدەرى باسشىلارىنىڭ كەزدەسۋىنە قاتىسادى. قازاقستان، قىرعىزستان، تاجىكستان، تۇرىكمەنستان جانە وزبەكستان باسشىلارى ورتا ازياعا ورتاق ناۋرىز مەيرامىنىڭ قارساڭىندا كەزدەسۋ وتكىزەتىنى اتاپ وتەرلىك جايت. بۇل شارادا تۇرىكمەنستان اتىنان ٴماجىلىس ٴتورايىمى اكدجا نۋربەردىەۆا قاتىسادى.

سول كۇنى نۇرسۇلتان نازاربايەۆتىڭ جانە شاۆكات ميرزيەەۆتىڭ قاتىسۋىمەن قازاقستاندا وزبەكستان جىلىنىڭ اشىلۋى وتەدى.

16 ناۋرىزدا ەلباسى رەسەي، تۇركيا جانە يراننىڭ ۇكىمەت باسشىلارىمەن كەزدەسەدى. بۇل سيريا بويىنشا استانا پروسەسىنىڭ كەپىل ەلدەرىنىڭ كەزدەسۋى بولماق.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي