BAQ.kz - Қазақстан жаңалықтары USD 354.12 BAQ.kz - Қазақстан жаңалықтары EUR 416.73 BAQ.kz - Қазақстан жаңалықтары RUB 5.37
استانا:

نازاربايەۆقا ٴومىر بويى قاۋىپسىزدىك كەڭەسىن باسقارۋ قۇقىعى بەرىلدى

«قازاقستان رەسپۋبليكاسىنىڭ قاۋىپسىزدىك كەڭەسى تۋرالى» زاڭى كۇشىنە ەندى. اتالعان زاڭنىڭ ٴماتىنى «ەگەمەن قازاقستان» گازەتىنىڭ بۇگىنگى سانىندا جاريالاندى، دەپ حابارلايدى baq.kz اقپارات اگەنتتىگى.

ايتا كەتەيىك، بۇل زاڭ قازاقستان رەسپۋبليكاسى قاۋىپسىزدىك كەڭەسىنىڭ قۇقىقتىق مəرتەبەسىن، قۇزىرەتىن جəنە قىزمەتىن ۇيىمداستىرۋدى ايقىندايدى. وسى جىلدىڭ مامىر ايىندا ونى پارلامەنت قابىلداپ، قازاقستان پرەزيدەنتى 5 شىلدە كۇنى زاڭعا قول قويعان بولاتىن.

قۇجاتتا «قازاقستان رەسپۋبليكاسىنىڭ تۇڭعىش پرەزيدەنتىنە - ەلباسىنا ونىڭ تاريحي ميسسياسىنا بايلانىستى قاۋىپسىزدىك كەڭەسىن ٴتوراعا رەتىندە باسقارۋ قۇقىعى ٴومىر بويى تيەسىلى» ەكەنى جازىلعان. سونداي-اق، زاڭ بويىنشا قاۋىپسىزدىك كەڭەسىنىڭ قۇرامىن قازاقستان رەسپۋبليكاسىنىڭ پرەزيدەنتى قاۋىپسىزدىك كەڭەسىنىڭ توراعاسىمەن كەلىسە وتىرىپ قالىپتاستىرادى.

«قاۋىپسىزدىك كەڭەسى ىشكى ساياسي تۇراقتىلىقتى ساقتاۋ، كونستيتۋسيالىق قۇرىلىستى، مەملەكەتتىك تəۋەلسىزدىكتى، اۋماقتىق تۇتاستىقتى جəنە حالىقارالىق ارەنادا قازاقستاننىڭ ۇلتتىق مۇددەلەرىن قورعاۋ ماقساتىندا قازاقستان رەسپۋبليكاسىنىڭ پرەزيدەنتى قۇراتىن جəنە قازاقستان رەسپۋبليكاسىنىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋ سالاسىندا ٴبىرىڭعاي مەملەكەتتىك ساياسات جۇرگىزۋدى ۇيلەستىرەتىن كونستيتۋسيالىق ورگان بولىپ تابىلادى»، - دەلىنگەن زاڭدا.

جالپى، قاۋىپسىزدىك كەڭەسىنىڭ نەگىزگى مىندەتتەرى ەلدىڭ ۇلتتىق قاۋىپسىزدىگىن قامتاماسىز ەتۋ، قورعانىس قابىلەتىن نىعايتۋ، زاڭدىلىق پەن قۇقىقتىق ٴتəرتىپتى قامتاماسىز ەتۋ سالاسىنداعى مەملەكەتتىك ساياساتتىڭ نەگىزگى باعىتتارىن جوسپارلاۋ، قاراۋ جəنە ولاردىڭ ىسكە اسىرىلۋىن باعالاۋ بولىپ تابىلادى. قاۋىپسىزدىك كەڭەسى قازاقستان رەسپۋبليكاسىنىڭ زاڭناماسىنا جəنە قاۋىپسىزدىك كەڭەسى ٴتوراعاسىنىڭ شەشىمدەرىنە سəيكەس وزگە دە مىندەتتەردى ورىندايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي