BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

 نازاربايەۆقا قۇرىق پورتىنداعى مۋلتيمودالدىق كولىك حابى تانىستىرىلدى

فوتو: Бауыржан Жуасбаев

بۇگىن ماڭعىستاۋ وبلىسىندا مەملەكەت باسشىسىنىڭ قاتىسۋىمەن قۇرىق پورتىنداعى پاروم كەشەنى مۋلتيمودالدىق كولىك حابىنىڭ تۇساۋكەسەرىنە ارنالعان سالتاناتتى شارا ٴوتى، دەپ حابارلايدى ۆaq.kz اقپارات اگەنتتىگى «قازاقستان تەمىر جولى» ۇك» اق ٴباسپاسوز قىزمەتىنە سىلتەمە جاساپ.

سالتاناتتى شاراعا مەملەكەتتىك ورگاندار، ازەربايجان، گرۋزيا، تۇركيا، تۇرىكمەنستان، يران، قىتاي، رەسەي، وزبەكستان، تاجىكستان، قىرعىزستاننىڭ كولىك لوگيستيكالىق كومپانيالارىنىڭ وكىلدەرى، قازاقستاننىڭ كولىك سالاسىنىڭ ارداگەرلەرى قاتىستى.

«قازاقستان تەمىر جولى» ۇك» اق باسقارما ٴتوراعاسى قانات الپىسبايەۆ مەملەكەت باسشىسىنا «نۇرلى جول» باعدارلاماسى اياسىنداعى قۇرىق پورتى پاروم كەشەنى قۇرىلىسىن جۇزەگە اسىرۋ بارىسى تۋرالى باياندادى.

قۇرىق پورتى حالىقارالىق كولىك دالىزىنە قوسىلدى. پورت ايدىنىنا تەمىرجول مەن اۆتوجول ماگيسترالدارى كەلىپ كىرەدى. تەمىرجول پارومى مەن اۆتوكولىك كەشەنى جىلىنا 7 ميلليون توننادان استام جۇكتى قابىلداپ، وتكىزەدى. پورتتىڭ كەدەندىك قىزمەتى مەن قىزمەت كورسەتۋ ينفراقۇرىلىمى كولىك قۇرالدارىن 30-40 مينۋتتا وڭدەي الادى. قۇرىق پورتىنداعى ماڭىزدى نىساندار تەرمينالدىق قويمالىق ينفراقۇرىلىمدى دامىتادى.

سالتاناتتى شاراعا وزبەكستان پرەمەر ٴ–مينيسترىنىڭ ٴبىرىنشى ورىنباسارى اچيلباي راماتوۆ قاتىسىپ، ۇلى جىبەك جولىنىڭ جاڭعىرعانىن، ترانسكاسپيي باعدارىندا تاسىمالدىڭ وسكەنىن تىلگە تيەك ەتتى.

cosco كومپانياسىنىڭ باسقارۋشى ديرەكتورىنىڭ ورىنباسارى سۋيت سزيۋن «نۇرلى جول» باعدارلاماسى مەن «ٴبىر بەلدەۋ - ٴبىر جول» باستاماشىلىعىنىڭ توعىسىپ، ەكى مەملەكەت باسشىلارىنىڭ تاپسىرمالارىمەن ورىندالعاندىعىن اتاپ ٴوتتى.

«ازەربايجان تەمىر جولى» جاق باسشىسى دجاۆيد گۋربانوۆتىڭ ايتۋىنشا، قۇرىق پورتى قازاقستان مەن ازەربايجان اراسىنداعى تەمىرجولدى دامىتۋداعى تەحنولوگيالىق كوپىر بولىپ سانالادى. ازەربايجان تەمىرجولشىلارى قازاقستاندىق ارىپتەستەرىنىڭ لوگيستيكالىق ٴىس تاجىريبەسىمەن ٴبولىسىپ، تەمىرجول مەن تەڭىز كولىگىندەگى مۋلتيمودالدىق شەشىمدەردى بىرگە شىعارادى.

تۇساۋكەسەر بارىسىندا تاجەن شەكارالىق كەدەن بەكەتىندە اۆتوجولدىڭ اشىلۋ ٴراسىمى وتكىزىلدى. «قورعاس شىعىس قاقپاسى» قۇرعاق پورتىنان قۇرىق پورتىنا ودان ٴارى قاراي ترانسكاسپيي دالىزىمەن يتالياعا بەت تۇزەيتىن تۇراقتى كونتەينەرلىك پويىز ساپارعا شىقتى.

تۇساۋكەسەرگە قاتىسۋشىلار اتالمىش وقيعانىڭ قازاقستاننىڭ كولىك لوگيستيكالىق جۇيەسىن دامىتىپ، ونى حالىقارالىق جۇك اعىنىنا قوسۋداعى ماڭىزىن جوعارى باعالادى. بۇل جول قۇرىق پورتىن ترانسكاسپيي كولىك دالىزىمەن ورتا ازيا ەلدەرىن جالعاستىرادى.

سوڭعى ون جىلدا ەۋرازيالىق كولىك ٴدالىزىن دامىتۋ ماقساتىندا كولىك-لوگيستيكالىق سالاسىنا 30 ملرد. دوللار شاماسىندا ينۆەستيسيا قۇيىلدى. جاڭا ينفراقۇرىلىم جاساقتاۋ قۇرىلىسى مەن جاڭعىرتۋ جۇمىستارى جانە iت-ينفراقۇرىلىم جاسالۋدا. 2020 جىلدارى بۇعان 8،4 ملرد. دوللار جۇمسالاتىن بولادى. بۇل ۇلى جىبەك جولىنىڭ جاڭعىرۋىنا سەرپىن بەرەتىن بولادى.

بۇگىنگى تاڭدا ەۋرازيا نارىعىنا قۇرلىق ارقىلى 10-12 مىڭ شاقىرىمدى 13-16 كۇندە كوكتەي ٴوتۋ مۇمكىن بولدى. بۇل ٴوز كەزەگىندە قازاقستان اۋماعىندا تەمىرجول ينفراقۇرىلىمىن پايدالانىپ، ازيا مەن ەۋروپا باعدارىندا تاسىمالداۋعا سۇرانىستىڭ وسكەندىگىن كورسەتەدى. ول قارقىن جىلما –جىل ەسەلەپ كوتەرىلىپ كەلەدى.

2014 جىلى قازاقستان مەن قىتاي بىرلەسىپ ليانيۋنگان پورتىندا لوگيستيكالىق تەرمينال تۇرعىزدى. وندا قازاقستانعا باعىتتالىپ ورتالىق ازيا مەن ەۋروپاعا شىعاتىن قىتاي جانە وڭتۇستىك شىعىس ازيا ەلدەرىنىڭ ترانزيتتىك جۇك اعىندارى شوعىرلاندىرىلادى. بۇل بىرلەستىك قازاقستان ارقىلى ترانزيتتىك جۇكتەردىڭ ەكسپورتقا عالامدىق مۇحيتتارعا تىكەلەي شىعۋىنا مۇمكىندىك اپەرەدى.

ترانسكاسپيي حالىقارالىق كولىك ٴدالىزى ەۋرازيا كولىك جۇيەسىنىڭ ماڭىزدى بولىگى بولىپ سانالادى. ترانسكاسپيي ٴدالىزىن دامىتۋ ٴۇشىن ەكى مىڭ شاقىرىمدىق تەمىرجول جەلىسى سالىندى. ول ارقىلى ەلىمىزدىڭ شىعىسى مەن باتىسى ينفراقۇرىلىمدىق تىزبەككە جالعاندى. جەزقازعان سەكسەۋىل ستانسياسى ارقىلى بەينەۋگە جەتكىزىلىپ، قازاقستاننىڭ ونەركاسىپ ورىندارىن شيكىزات قورلارىمەن ونى كاسپيي پورتىمەن وزەن- بولاشاق ودان ٴارى تۇركمەنستانمەن پارسى شىعاناعى ەلدەرىمەن تىكە ٴارى قىسقا جولدارمەن جالعادى.

اقتاۋ پورتى جاڭعىرتىلدى. قۇرىق پورتىندا جاڭا مۋلتيمودالدىق پاروم كەشەنى تۇرعىزىلدى. بۇلار قىتايدان كەلەتىن جۇكتەردى ورتالىق ازيا ەلدەرىنە رەسەيدىڭ ورال ٴسىبىر وڭىرلەرىمەن ترانسكاسپيي ٴدالىزىن قوسادى.

قازىرگى تاڭدا قازاقستاننىڭ كاسپيي تەڭىزىندەگى لوگيستيكالىق تىزبەگى جىلىنا 26 ميلليون توننا جۇكتى وتكىزە الادى. سەرىكتەس ەلدەر وزدەرىنىڭ الەۋەتىن ۇلعايتىپ، نىساندارىن جاڭعىرتۋدا.

بۇل ٴوز كەزەگىندە ترانسقۇرلىقتىق جۇك اعىندارىنىڭ الەمنىڭ قۇرلىقتارىن ساۋدا جولدارىمەن قوساتىن بولاشاق باعدارلاردى ايقىندايدى.

بارلىق اتقارىلعان شارالار ينۆەستيسيا تارتۋعا، جۇك اعىندارىن ارتتىرۋعا، سونىمەن قاتار ٴوڭىردىڭ دامۋىنا ىقپال ەتەتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي