BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

نازاربايەۆا ۇلىبريتانيا ەلشىسىن قابىلدادى

پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ٴتوراعاسى داريعا نازاربايەۆا ۇلىبريتانيا ەلشىسى مايكل گيففوردتى قابىلدادى، دەپ حابارلايدى baq.kz اقپارات اگەنتتىگى.

د.نازاربايەۆا استاناداعى ديپلوماتيالىق ميسسيانىڭ باستالۋىمەن م.گيففوردتى قۇتتىقتادى جانە ونىڭ كاسىبي تاجىريبەسى ٴبىزدىڭ ەلدەردىڭ اراسىنداعى قارىم-قاتىناستى ودان ٴارى نىعايتۋعا ىقپال ەتەتىنىنە سەنىم ٴبىلدىردى.

جۇزدەسۋشىلەر دونالد ترامپ پەن كيم چەن ىننىڭ سينگاپۋردا بولعان كەزدەسۋى جانە كورەي تۇبەگىن قارۋسىزداندىرۋ ماسەلەلەرىنىڭ شەشىلۋى تۋرالى پىكىر الماستى. د.نازاربايەۆانىڭ پىكىرىنشە، اقش پەن كحدر باسشىلارى اراسىنداعى كەلىسسوزدەرگە ٴۇمىت ارتۋعا بولادى.

سەنات كوميتەتىنىڭ ٴتوراعاسى قازاقستان مەن بريتانيا اراسىنداعى دوستىق جانە سەنىمدى قاتىناستاردى جوعارى باعالاپ، ۇلىبريتانيانىڭ قازاقستاننىڭ ماڭىزدى ستراتەگيالىق ارىپتەسى ەكەنىن اتاپ ٴوتتى. اۋقىمدى ساۋدا- ەكونوميكالىق، قارجى جانە ينۆەستيسيالىق ىنتىماقتاستىق ورناتىلدى. د.نازاربايەۆا استانا حالىقارالىق قارجى ورتالىعىنىڭ اشىلۋىنا بايلانىستى بريتان بانكىلەرى مەن قارجى ينستيتۋتتارىنىڭ الدىندا اشىلاتىن زور مۇمكىندىكتەرگە نازار اۋداردى.

تاراپتار مادەني-گۋمانيتارلىق بايلانىستاردى دامىتۋ ماسەلەلەرىن تالقىلادى. د.نازاربايەۆا ٴبىلىم، عىلىم جانە جاڭا تەحنولوگيالار سالاسىنداعى ىنتىماقتاستىقتىڭ ناتيجەلى سيپاتىن ريزاشىلىقپەن اتاپ ٴوتتى. سەناتور بريتان كەڭەسى مەن ەلىمىزدىڭ ٴبىلىم جانە عىلىم مينيسترلىگىن بىرلەسكەن جوبالاردى ىسكە اسىرۋعا جاردەمدەسۋگە شاقىردى.

اڭگىمە بارىسىندا ەكى ەلدىڭ زاڭ شىعارۋ ورگاندارىندا جۇمىس ىستەيتىن دوستىق توپتارى زور ٴرول اتقاراتىن پارلامەنتارالىق ٴۇنقاتىسۋدىڭ ماڭىزدىلىعى اتاپ ٴوتىلدى. د.نازاربايەۆا اتاپ وتكەندەي، بريتان دەپۋتاتتارىنىڭ قازاقستاندىق ارىپتەستەرىمەن بايلانىستارى قازاقستان مەن ۇلىبريتانيانىڭ پارلامەنتتەرى اراسىنداعى بايلانىستاردى كەڭەيتۋ مەن تەرەڭدەتۋدە شەشۋشى ىقپالى بولۋى ٴتيىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي