BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

نازاربايەۆ ۇقشۇ سامميتىندە قابىلدانعان قۇجاتتاردى اتادى

فوتو: Бауыржан Жуасбаев

استانا، baq.kz ٴتىلشىسى. قازاقستان پرەزيدەنتى نۇرسۇلتان نازاربايەۆ ۇقشۇ ۇجىمدىق قاۋىپسىزدىك كەڭەسى سەسسياسىنىڭ قورىتىندىسى بويىنشا باق وكىلدەرىنىڭ الدىندا مالىمدەمە جاسادى.

«بۇگىن قازاقستان توراعالىعىمەن ۇجىمدىق قاۋىپسىزدىك كەڭەسى سەسسياسىنىڭ كەزەكتى وتىرىسى ٴوتتى. ٴبىزدىڭ كەزدەسۋ ادەتتەگىدەي سەنىم، اشىقتىق جاعدايىندا ٴوتىپ جاتىر. وسىلايشا، ۇجىمدىق قاۋىپسىزدىگىمىزدىڭ جالپى مىندەتتەرىن تالقىلادىق. ەلدەرىمىزدىڭ قاۋىپسىزدىگى ماقساتىنداعى مەملەكەتتەردىڭ ٴوزارا ارەكەتتەستىگىنىڭ بارلىق ماسەلەلەرى قاراستىرىلدى. ۇقشۇ-نى دامىتۋدىڭ نەگىزگى باعىتتارى بويىنشا كونسترۋكتيۆتى پىكىر الماسۋ بولدى. سونداي-اق، حالىقارالىق، وڭىرلىك ساياساتتىڭ وزەكتى پروبلەمالارىن تالقىلادىق. جالپى، قازاقستاننىڭ ۇقشۇ ٴتوراعالىعىندا اتقارعان جۇمىسىنا جوعارى باعا بەرىلدى»، - دەدى نازاربايەۆ.

ەلباسىنىڭ ايتۋىنشا، بۇگىن ۇقشۇ اياسىندا ىنتىماقتاستىقتى ودان ٴارى دامىتۋعا جانە ۇجىمدىق قاۋىپسىزدىك مەحانيزمدەرىن جەتىلدىرۋگە باعىتتالعان ماڭىزدى شەشىمدەر قابىلداندى.

مەملەكەت باسشىسى جيىندا الەمدەگى ساياسي-ەكونوميكالىق جاعداي تالقىلانعانىن ايتتى. ايماقتاعى قيىندىقتار دا ٴسوز بولعان. اسىرەسە، وڭتۇستىك جاقتاعى، اۋعانستانداعى جاعداي تالقىلانعان. وسى ماسەلەلەر بويىنشا دا شەشىمدەر قابىلدانعان.

«ۇقشۇ سامميتىندە قابىلدانعان باستى ساياسي قۇجات قورىتىندى دەكلاراسيا سانالادى. ول ۇيىمنىڭ الداعى كەزەڭگە مىندەتتەرى مەن جوسپارلارىن ايقىندايدى. حالىقارالىق تەرروريستىك ۇيىمدار جاعىنداعى قارۋلى قاقتىعىستاردىڭ قاتىسۋشىلارىنا قاتىستى بىرلەسكەن شارالار تۋرالى كەلىسىم دە قابىلداندى»، - دەدى نۇرسۇلتان نازاربايەۆ.

پرەزيدەنت كوشى-قون، اقپارات جانە تاعى باسقا سالالارداعى ماڭىزدى قۇجاتتاردىڭ بەكىتىلگەنىن ايتتى. ەلباسى ۇقشۇ-عا كەلەسى كەزەڭدە قىرعىزستان ٴتوراعالىق ەتەتىنىن دە رەسمي تۇردە جاريالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي