BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

نازاربايەۆ تۇركىستان وبلىسى جايلى: بۇل – تۇركى حالقىنىڭ كيەلى مەكەنى

فوتو: Ақорда

قازاقستان پرەزيدەنتى تۇركىستان قالاسىن دامىتۋ جونىندە كەڭەس وتكىزدى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

جيىن بارىسىندا مەملەكەت باسشىسىنا تۇركىستان قالاسىن دامىتۋدىڭ جوسپارى مەن پەرسپەكتيۆالارى جونىندە مالىمدەلىپ، وبلىس ورتالىعىن شىمكەنت قالاسىنان تۇركىستان قالاسىنا كوشىرۋگە قاتىستى تاپسىرمالاردىڭ ورىندالۋى تۋرالى باياندالدى.

– ەلىمىزدە جاڭادان تۇركىستان وبلىسىنىڭ پايدا بولعانى بارشاعا ٴمالىم. بۇل ورىندى شەشىم دەپ سانايمىن. وبلىس ورتالىعى ەندى تۇركىستان قالاسىنا كوشەدى. بۇل – بارلىق جاعىنان دا كۇردەلى ۇدەرىس، – دەدى قازاقستان پرەزيدەنتى.

ەلباسى قازاقستان حالقى ٴۇشىن دە، بۇكىل تۇركى الەمى ٴۇشىن دە تۇركىستان قالاسىنىڭ تاريحي ٴارى رۋحاني ٴمانى زور ەكەنىنە ايرىقشا توقتالدى.

– بۇل – تۇركى حالىقتارىنىڭ كيەلى مەكەنى. سوندىقتان مۇندا جۇرت كوپ كەلەدى. بۇل جەردە كوپتەگەن تانىمال تۇلعالار جەرلەنگەن، – دەدى نۇرسۇلتان نازاربايەۆ.

كەڭەستە پرەمەر-مينيستردىڭ ٴبىرىنشى ورىنباسارى ا.ٴماميننىڭ تۇركىستان قالاسىنىڭ اۋماقتىق دامۋ تۇجىرىمداماسى جونىندەگى بايانداماسى جانە تۇركىستان وبلىسىنىڭ اكىمى ج.تۇيمەبايەۆتىڭ اكىمشىلىك-اۋماقتىق باسقارۋ ورگاندارىن جاڭا وبلىس ورتالىعىنا كوشىرۋ بارىسى جونىندەگى بايانداماسى تىڭدالدى. اتاپ ايتقاندا، قازاقستان پرەزيدەنتىنە ينفراقۇرىلىمدىق جانە الەۋمەتتىك نىساندار سالۋ جوسپارى، سونداي-اق قالانى ەنەرگيامەن جانە سۋمەن قامتاماسىز ەتۋگە قاتىستى ۇسىنىلعان شەشىمدەر جونىندە ەگجەي-تەگجەيلى مالىمەت بەرىلدى.

جيىن قورىتىندىسى بويىنشا ۇكىمەتكە جانە وبلىس باسشىلىعىنا ٴبىرقاتار ناقتى تاپسىرما جۇكتەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي