BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

نازاربايەۆ: تاجىكستانمەن ارامىزدا شەشىمىن تاپپاعان ماسەلە بولعان ەمەس

فوتو: Бауыржан Жуасбаев

نۇرسۇلتان نازاربايەۆ قازاقستانعا رەسمي ساپارمەن كەلگەن تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەستى، دەپ حابارلايدى baq.kz اقپارات اگەنتتىگى اقورداعا سىلتەمە جاساپ.

شاعىن قۇرامداعى كەلىسسوزدەر بارىسىندا تاراپتار ەكىجاقتى ىنتىماقتاستىق ماسەلەلەرىن جانە ونى ٴارى قاراي نىعايتۋ پەرسپەكتيۆالارىن تالقىلادى.

مەملەكەت باسشىسى ەكى ەل اراسىنداعى قارىم-قاتىناستىڭ سەنىمگە نەگىزدەلگەنىن اتاپ ٴوتىپ، قازاقستان مەن تاجىكستان حالىقتارىنىڭ دوستىعىن نىعايتۋ جولىندا ەمومالي راحموننىڭ ايرىقشا ٴرول اتقارعانىن ايتتى.

"ٴسىز باسشىلىق ەتكەن جىلدار ىشىندە ٴبىز زور سەنىمگە، ىنتىماقتاستىققا جانە دوستىققا نەگىزدەلگەن قارىم-قاتىناس ورناتتىق. ەشقاشان ارامىزدا شەشىمىن تاپپاعان ماسەلە بولعان ەمەس. ٴبىز ٴاردايىم، اسىرەسە حالىقارالىق دەڭگەيدە ٴبىر-بىرىمىزدى قولداپ كەلەمىز"، – دەدى قازاقستان پرەزيدەنتى.

نۇرسۇلتان نازاربايەۆ بۇگىندە ەكى ەل اراسىنداعى ىنتىماقتاستىق جاڭا كەزەڭگە اياق باسقانىن ايتىپ، مەملەكەتارالىق قارىم-قاتىناستىڭ وزەكتى ماسەلەلەرىن تالقىلاۋعا نيەتتى ەكەنىمىزدى جەتكىزدى.

"ٴبىز سىزدەرمەن كەز كەلگەن ماسەلەنى تالقىلاپ، شەشۋگە دايىنبىز. سونىمەن قاتار كورشى مەملەكەتتەردىڭ باسشىلارى كەلە جاتىر. ەرتەڭ ٴبىز ٴۇشىن تاعى ٴبىر مارتە كەزدەسۋگە مۇمكىندىك تۋادى. بيىل سىزدەردە سۋ رەسۋرستارىن باسقارۋ جونىندەگى كونفەرەنسيا وتەتىنىن بىلەمىن. قازاقستان بۇل باستامانى قولدايدى"، – دەدى مەملەكەت باسشىسى.

كەزدەسۋ بارىسىندا نۇرسۇلتان نازاربايەۆ تاجىكستان رەسپۋبليكاسىنىڭ پرەزيدەنتىن «پاراسات» وردەنىمەن ماراپاتتادى.

ە.راحمون نۇرسۇلتان نازاربايەۆقا قازاقستانعا شاقىرعانى ٴۇشىن جانە جوعارى ماراپات تابىس ەتكەنى ٴۇشىن العىس ٴبىلدىردى.

"قازاقستانعا كەلگەن ٴار ساپارىمدا استانانىڭ كەلبەتى جىلدام وزگەرىپ كەلە جاتقانىن بايقايمىن. بۇل جەتىستىك، ەڭ الدىمەن، ٴسىزدىڭ دانا ٴارى كورەگەن ساياساتىڭىزدىڭ جەمىسى بولىپ سانالادى"، – دەدى تاجىكستان رەسپۋبليكاسىنىڭ پرەزيدەنتى.

ە.راحمون ەكى ەل اراسىنداعى ساۋدا-ەكونوميكالىق قارىم-قاتىناستىڭ قارقىندى دامىپ كەلە جاتقانىنا توقتالىپ، ونى ٴارى قاراي ىلگەرىلەتە تۇسۋگە نيەتتى ەكەنىن اتاپ ٴوتتى.

"تاۋار اينالىمىنىڭ كولەمى جونىنەن قازاقستان تاجىكستاننىڭ جەتەكشى ەكونوميكالىق ارىپتەستەرى اراسىندا ەكىنشى ورىنعا يە. ٴبىز ەلدەرىمىزدىڭ كەشەندى ٴارى ستراتەگيالىق قارىم-قاتىناستارىن نىعايتۋعا نيەتتىمىز"، – دەدى تاجىكستان رەسپۋبليكاسىنىڭ پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي