BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

نازاربايەۆ پۋتينگە: قازاقستان ٴاردايىم سىزدەرمەن بىرگە

فوتو: Бауыржан Жуасбаев

مەملەكەت باسشىسى نۇرسۇلتان نازاربايەۆ رەسەي فەدەراسياسىنىڭ پرەزيدەنتى ۆلاديمير پۋتينمەن كەزدەستى، دەپ حابارلايدى اقوردانىڭ ٴباسپاسوز قىزمەتى.

نۇرسۇلتان نازاربايەۆ كەزدەسۋ بارىسىندا ۆلاديمير ٴپۋتيندى رەسەي فەدەراسياسىنىڭ پرەزيدەنتى بولىپ سايلانۋىمەن تاعى دا قۇتتىقتاپ، جاۋاپتى قىزمەتىنە تابىس تىلەدى.

– بيىلعى 18 ناۋرىزدا تاريحي ماڭىزى بار وقيعا بولدى. ٴسىز رەسەي حالقىنىڭ زور سەنىمىنە يە بولدىڭىز. قازىرگىدەي كۇردەلى جاعدايدا مۇنداي سەنىمنىڭ ٴمانى زور، – دەدى قازاقستان پرەزيدەنتى.

نۇرسۇلتان نازاربايەۆ قازاقستان مەن رەسەي اراسىنداعى ساۋدا-ەكونوميكالىق، ينۆەستيسيالىق جانە باسقا دا ماڭىزدى سالالار مەن باعىتتار بويىنشا ەكى جاقتى دوستىق جانە تىعىز ىنتىماقتاستىق ورنىققانىنا توقتالدى.

– قازاقستان – رەسەيمەن ۇلگى بولارلىق قارىم-قاتىناس جانە قارقىندى ەكونوميكالىق بايلانىس ورناتقان ەڭ جاقىن مەملەكەت. ەلدەرىمىز اراسىنداعى تاۋار اينالىمىنىڭ كولەمى – 16 ميلليارد دوللارعا جۋىق. بىرلەسكەن كاسىپورىندار سانى ارتىپ كەلەدى، – دەدى قازاقستان پرەزيدەنتى.

فوتو: باۋىرجان جۋاسبايەۆ

سونىمەن قاتار، مەملەكەت باسشىسى ەكى ەل اراسىنداعى جوعارى دەڭگەيدەگى ٴوزارا ىقپالداستىق قازاقستان-رەسەي قاتىناستارىندا تۋىندايتىن ماسەلەلەردى ٴتيىمدى شەشۋگە سەپتىگىن تيگىزىپ وتىرعانىن ايتتى.

– قازاقستان ٴاردايىم سىزدەرمەن بىرگە. ٴبىز ٴارقاشان بىرگە جۇمىس جۇرگىزىپ، بىرلەسە العا ۇمتىلىپ، بۇل كۇردەلى كەزەڭدى دە ەڭسەرەتىن بولامىز. بۇگىندە بارلىق باعىت بويىنشا قالىپتى جۇمىس جۇرگىزىلۋدە. كورشىلەس تاۋەلسىز مەملەكەتتەر اراسىندا ٴاردايىم ماسەلەلەر تۋىنداپ جاتادى. ۇكىمەتتەرىمىز بەن مينيسترلىكتەرىمىز اراسىندا تىعىز قارىم-قاتىناس ورنىققان. تۋىندايتىن ماسەلەلەردى دۇرلىكتىرمەي، بايسالدىلىقپەن شەشۋ قاجەت. ٴبىز – وداقتاس ەلدەرمىز، ەكى ەلدىڭ بۇقارالىق اقپارات قۇرالدارى دا وسى باعىتتا جۇمىس جۇرگىزۋگە ٴتيىس، – دەدى نۇرسۇلتان نازاربايەۆ.

رەسەي فەدەراسياسىنىڭ پرەزيدەنتى ەكى مەملەكەت اراسىنداعى ٴتۇرلى سالالار بويىنشا ٴوزارا ٴتيىمدى قارىم-قاتىناس ورنىققانىن ايتىپ، ونىڭ وڭ قارقىنمەن دامىپ كەلە جاتقانىنا توقتالدى.

ۆلاديمير پۋتين قازاقستان رەسەيدىڭ ستراتەگيالىق وداقتاسى عانا ەمەس، سونداي-اق ەڭ جاقىن ەكونوميكالىق سەرىكتەستەرىنىڭ ٴبىرى ەكەنىن اتاپ ٴوتتى.

– ەلدەرىمىز اراسىنداعى قاتىناستار تابىستى ٴارى دايەكتى دامىپ كەلەدى. بىلتىر ەكونوميكادا جاقسى ناتيجەگە قول جەتكىزدىك. اتاپ ايتقاندا، تاۋار اينالىمى 30 پايىزعا ٴوستى. رەسەي قازاقستاننىڭ جەتەكشى ساۋدا-ەكونوميكالىق سەرىكتەستەرىنىڭ ٴبىرى بولىپ قالا بەرمەك. رەسەيدىڭ قازاقستان ەكونوميكاسىنا بولگەن تىكەلەي ينۆەستيسياسىنىڭ كولەمى ارتقانىن دا اتاپ وتكىم كەلەدى، – دەدى ۆلاديمير پۋتين.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي