BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

نازاربايەۆ: بۇل فورۋم تۋريزم سالاسىنا تىڭ سەرپىن بەرەتىنىنە سەنىمدىمىن

سولتۇستىك قازاقستان، baq.kz ٴتىلشىسى. پەتروپاۆلدا ٴوتىپ جاتقان ٴوڭىرارالىق ىنتىماقتاستىق فورۋمىندا ۆلاديمير پۋتين مەن نۇرسۇلتان نازاربايەۆ قازاقستان مەن رەسەيدىڭ 2019-2021 جىلدارعا ارنالعان بىرلەسكەن ٴىس-قيمىل جوسپارىنا قول قويدى.

فورۋم اياسىندا وتكەن پلەنارلىق وتىرىس ەكى مەملەكەت اراسىندا ەكونوميكا، مەديسينالىق تۋريزم، عارىشتىق تۋريزم، ٴوندىرىس سىندى تاعى باسقا سالالاردى قامتيتىن كەلىسىم قۇجاتتارىنا قول قويۋمەن قورىتىندىلاندى.

"بۇل فورۋم – تۋريزم سالاسىنا تىڭ سەرپىن بەرەتىنىنە سەنىمدىمىن. ەكىجاقتى ىسكەرلىك سۇحبات بولدى. كورمەدە تۋريزم سالاسىنداعى ٴبىراز جوبالار قامتىلعان. وسى باعىتتا ٴبىراز جۇمىس ىستەسەك، كەلەر جىلى بەلسەندى تۋريزم جىلى بولاتىنىنا سەنىمدىمىن"، - دەدى نۇرسۇلتان نازاربايەۆ.

ۆلاديمي پۋتين قازاقستان مەن رەسەيدە ٴتۋريزمنىڭ ٴتۇرلى سالالارىن دامىتۋ ٴۇشىن مۇمكىندىكتىڭ مول ەكەندىگىنە توقتالدى.

"ٴقازىر كوپشىلىكتى ەكولوگيالىق تازا تۋريزم قىزىقتىرادى. قازاقستان مەن رەسەيدە بۇل بار. تەك سونى ٴتيىمدى پايدالانۋ كەرەك. وسىنداي اسەم تابيعات تۇرعاندا باسقا جاققا بارۋدىڭ كەرەگى نە؟"، - دەدى ۆلاديمير پۋتين.

ەستەرىڭىزگە سالا كەتەيىك، بۇعان دەيىن ەلباسىنىڭ سولتۇستىك قازاقستان وبلىسىنا ساپارى جايلى جانە نازاربايەۆ پەن ٴپۋتيننىڭ تۋريستىك كورمەنى ارالاپ كورگەنى تۋرالى جازعان بولاتىنبىز. سونىمەن قاتار فورۋم اياسىندا 75 مەموراندۋمعا قول قويىلعانى تۋرالى حابارلاعانبىز. ەلباسىمەن كەزدەسۋ كەزىندە پۋتين قازاقستاندىقتاردى الداعى جىلى ومبىدا وتەتىن فورۋمعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي