BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

نازاربايەۆ: قازاقستانعا اسەر ەتەتىن سىرتقى فاكتورلاردىڭ بار ەكەنىن ٴبارىمىز بىلەمىز

فوتو: Ақорда

استانا، baq.kz. مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ وتىرىسى ٴوتتى. بۇل تۋرالى اقوردانىڭ ٴباسپاسوز قىزمەتى حابارلادى.

جيىن بارىسىندا سىرتقى فاكتورلاردىڭ ۇلتتىق قاۋىپسىزدىك احۋالىنا اسەرى جانە قورعانىس سالاسىنداعى مەملەكەتتىك ساياساتتىڭ ىسكە اسىرىلۋى جونىندەگى ماسەلەلەر قارالدى.

– قازاقستانعا اسەر ەتەتىن سىرتقى فاكتورلاردىڭ بار ەكەنىن ٴبارىمىز بىلەمىز. سولاردىڭ ىشىندە رەسەي مەن اقش اراسىنداعى سانكسيالىق تەكەتىرەس، قىتاي مەن اقش اراسىنداعى ساۋدا شيەلەنىسى، سيرياداعى احۋال جانە باسقا دا جاعدايلار بار. وسىعان بايلانىستى بىزگە ماسەلەلەردى تالقىلاپ، ٴتيىستى شارالار قابىلداۋ قاجەت، – دەدى قازاقستان پرەزيدەنتى.

كۇن تارتىبىندەگى ەكىنشى ماسەلەنى تالقىلاۋ بارىسىندا قورعانىس ٴمينيسترى ن.ەرمەكبايەۆ قارۋلى كۇشتەردىڭ بيىلعى وقۋ جىلىنداعى اسكەري دايىندىعىنىڭ جانە وتكىزىلگەن وقۋ-جاتتىعۋلاردىڭ نەگىزگى قورىتىندىلارى، سونداي-اق اسكەردىڭ جاۋىنگەرلىك دايىندىعىن ارتتىرۋ جونىندە قابىلدانىپ جاتقان شارالاردىڭ ناتيجەلەرى تۋرالى بايانداما جاسادى.

سونىمەن قاتار، جيىن بارىسىندا قورعانىس ونەركاسىبى كاسىپورىندارىن جاڭعىرتۋ جانە قورعانىس ونىمدەرىنىڭ جاڭا تۇرلەرىنىڭ ٴوندىرىسىن يگەرۋ جونىندەگى ۇسىنىستار قاراستىرىلدى.

باسقوسۋ قورىتىندىسى بويىنشا نۇرسۇلتان نازاربايەۆ ٴبىرقاتار ناقتى تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي