BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

نازاربايەۆ قازاقستان مەن سەربيا اراسىنداعى ساۋدا بايلانىسى تۋرالى: بار الەۋەتتى پايدالانا الماي ٴجۇرمىز

اقوردادا مەملەكەت باسشىسى نۇرسۇلتان نازاربايەۆ قازاقستان مەن سەربيا اراسىنداعى ساۋدا-ەكونوميكالىق بايلانىستى كۇشەيتۋ قاجەت ەكەنىن مالىمدەدى، دەپ حابارلايدى baq.kz ٴتىلشىسى.

بۇگىن سەربيا پرەزيدەنتى الەكساندر ۆۋچيچپەن قازاقستانعا رەسمي ساپارمەن كەلدى. ول اقوردادا قازاقستان پرەزيدەنتى نۇرسۇلتان نازاربايەۆپەن كەزدەسىپ، قازاقستاندىق-سەربيالىق قارىم-قاتىناستاردىڭ كەلەشەگى مەن قازىرگى جايىن تالقىلاعان.

كەزدەسۋدەن كەيىن قوس ەلدىڭ مەملەكەت باسشىسى باق وكىلدەرىنە بىرىككەن مالىمدەمە جاسادى.

«مەنىڭ رەسمي شاقىرۋىمدى قابىل الىپ، قازاقستانعا العاش رەت رەسمي ساپارمەن كەلگەن سەربيا پرەزيدەنتى الەكساندر ۆۋچيچ مىرزاعا، دەلەگاسيا مۇشەلەرىنە ريزاشىلىعىمدى بىلدىرەمىن. جوعارى دەڭگەيدە وتكەن بۇگىنگى كەلىسسوزدەرىمىز تابىستى بولدى دەپ سانايمىن»، - دەدى ەلباسى.

وسى ورايدا پرەزيدەنت قازاقستان مەن سەربيا اراسىنداعى ساۋدا-ەكونوميكالىق بايلانىستى كۇشەيتۋ قاجەت ەكەنىن جەتكىزدى.

«كەزدەسۋ بارىسىندا قوس ەلدىڭ اراسىنداعى كوپ سالالى قارىم-قاتىناستىڭ بارلىق تۇكپىرلەرىن ارالاپ شىقتىق. ٴبىز «ونى قالاي دامىتامىز؟» دەگەن سۇراققا جاۋاپ ىزدەدىك. ەڭ ٴبىرىنشى ساۋدا ەكونوميكالىق سەرىكتەستىككە ٴمان بەردىك. بۇل باعىتتا بار الەۋەتتى تولىق پايدالانا الماي جۇرگەنىمىز ايتىلدى. سونداي-اق وزەكتى حالىقارالىق، وڭىرلىك ماسەلەلەرگە ەرەكشە كوڭىل ٴبولىندى»، - دەدى نۇرسۇلتان نازاربايەۆ.

سونداي-اق مەملەكەت باسشىسى قوس مەملەكەت اراسىنداعى بايلانىستىڭ ودان ٴارى نىعاياتىنىنا ٴۇمىتتى ەكەنىن ايتتى.

«قازاقستان مەن سەربيا اراسىنداعى ىقپالداستىقتى ودان ٴارى تەرەڭدەتە تۇسۋگە ۋاعدالاستىق. وعان زور سەنىم بار»، - دەدى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي