BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

نازاربايەۆ كانادانىڭ گەنەرال-گۋبەرناتورىمەن كەزدەستى

استانا، baq.kz. قازاقستان پرەزيدەنتى نۇرسۇلتان نازاربايەۆ كانادانىڭ گەنەرال-گۋبەرناتورى جۋلي پايەتپەن كەزدەستى. بۇل تۋرالى اقوردانىڭ ٴباسپاسوز قىزمەتى حابارلادى.

نۇرسۇلتان نازاربايەۆ جۋلي پايەتپەن جۇزدەسۋ بارىسىندا گەنەرال-گۋبەرناتوردىڭ قازاقستانعا العاشقى رەسمي ساپارىنىڭ كانادالىق عارىشكەر داۆيد سەن-جاكتىڭ بايقوڭىر ايلاعىنان عارىشقا اتتانعان كەزىمەن تۇسپا-تۇس كەلۋىنىڭ سيمۆولدىق ٴمانىن اتاپ ٴوتتى.

– ٴوزىڭىز دە وسىنداي ميسسيامەن عارىشتا ەكى رەت بولعاندىقتان، ٴسىز ٴۇشىن مۇنىڭ ماڭىزى زور، – دەدى مەملەكەت باسشىسى.

قازاقستان پرەزيدەنتى بيىل ەكى ەل اراسىنداعى ديپلوماتيالىق قارىم-قاتىناستاردىڭ ورناعانىنا 26 جىل تولعانىن ايتىپ، ساۋدا جانە ٴوزارا ينۆەستيسيا سالالارىندا وڭ ٴۇردىس بار ەكەنىنە توقتالدى.

كانادانىڭ گەنەرال-گۋبەرناتورى ج.پايەتت قازاقستانعا رەسمي ساپارمەن كەلۋگە مۇمكىندىك بەرىلگەنى ٴۇشىن ريزاشىلىق ٴبىلدىرىپ، بۇعان دەيىن ٴتۇرلى عارىش باعدارلامالارىنىڭ قاتىسۋشىسى رەتىندە بايقوڭىر عارىش ايلاعىندا بولعانىن ايتتى.

– مەن قازاقستانعا پرەمەر-مينيسترىمىزدىڭ سالەمىن الا كەلدىم. ٴبىز جەردەن ٴساتتى ۇشىپ شىققان عارىش ەكيپاجىنىڭ ٴقازىر وربيتاعا جەتكەنىنە قۋانىشتىمىز. ەرتەڭ ۇلتتىق عارىش ورتالىعىنا بارامىز. قازاقستاننىڭ ۇلتتىق عارىش ورتالىعى مەن كانادانىڭ عارىش اگەنتتىگى اراسىنداعى ٴوزارا تۇسىنىستىك تۋرالى مەموراندۋم جەمىستى بولادى دەپ ۇمىتتەنەمىن، – دەدى جۋلي پايەتت.

سونىمەن قاتار، گەنەرال-گۋبەرناتور قازاقستان پرەزيدەنتىنىڭ انتيادرولىق باستامالارىن كانادا تولىق قولدايتىنىن ايتتى.

سوڭىندا تاراپتار ٴبىلىم جانە عىلىم، اۋىل شارۋاشىلىعى سالالارىنداعى جانە اگروونەركاسىپ سەكتورىنداعى ٴوزارا ىقپالداستىق ماسەلەلەرىن تالقىلاپ، بۇگىنگى ساپار قازاقستان مەن كانادا اراسىنداعى ٴوزارا ٴتيىمدى ىنتىماقتاستىقتى ودان ٴارى نىعايتۋعا سەپتىگىن تيگىزەتىنىنە سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي