BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

نازاربايەۆ فرانسۋا وللاندپەن كەزدەستى

مەملەكەت باسشىسى فرانسيانىڭ بۇرىنعى پرەزيدەنتى، فرانسيا كونستيتۋسيالىق كەڭەسىنىڭ مۇشەسى فرانسۋا وللاندپەن كەزدەستى، دەپ حابارلايدى baq.kz اقپارات اگەنتتىگى اقورداعا سىلتەمە جاساپ.

نۇرسۇلتان نازاربايەۆ استانا ەكونوميكالىق فورۋمىنا قاتىسۋعا كەلگەنى ٴۇشىن فرانسۋا وللاندقا ريزاشىلىق ٴبىلدىردى.

– ٴسىز پرەزيدەنت كەزىڭىزدە ٴبىزدىڭ ەلدە رەسمي ساپارمەن بولعان ەدىڭىز. سونىڭ ناتيجەسىندە ىنتىماقتاستىعىمىزدى دامىتۋ ٴۇشىن جاقسى جاعداي جاسادىق، – دەدى قازاقستان پرەزيدەنتى.

مەملەكەت باسشىسى قازىرگى ۋاقىتتا قازاقستان مەن فرانسيا اراسىنداعى بايلانىستار، سونىڭ ىشىندە «جاسىل» تەحنولوگيالار سالاسىنداعى ىقپالداستىق نىعايىپ كەلە جاتقانىن ايتتى.

نۇرسۇلتان نازاربايەۆ بالامالى ەنەرگەتيكانى دامىتۋ ٴۇشىن قازاقستان تاراپىنان اتقارىلىپ جاتقان جۇمىستار، سونىڭ ىشىندە «ەكسپو-2017» كەشەنىنىڭ بازاسىندا قۇرىلاتىن «جاسىل» ەكونوميكا ورتالىعى جونىندە اڭگىمەلەدى.

فرانسۋا وللاند كەزدەسۋگە مۇمكىندىك بەرگەنى ٴۇشىن نۇرسۇلتان نازاربايەۆقا العىس ٴبىلدىرىپ، قازاقستان پرەزيدەنتىنىڭ مەملەكەتارالىق بايلانىستاردى نىعايتۋعا زور ۇلەس قوسقانىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي