BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

نازاربايەۆ ەستونيانىڭ پرەمەر-مينيسترىمەن كەزدەستى

استانا، baq.kz. كەزدەسۋ بارىسىندا تاراپتار ەكى مەملەكەتتىڭ سيفرلاندىرۋ جانە يننوۆاسيالىق تەحنولوگيالار سالاسىنداعى ىنتىماقتاستىعىن نىعايتۋ پەرسپەكتيۆالارىن تالقىلادى، سونداي-اق ساۋدا-ەكونوميكا قارىم-قاتىناستارىن دامىتۋ ماسەلەلەرى جونىندە پىكىر الماستى، دەپ جازششادى اقوردانىڭ ٴباسپاسوز قىزمەتى.

مەملەكەت باسشىسى «استانا حاب» ٴىت-ستارتاپتار حالىقارالىق تەحنولوگيالىق پاركىنىڭ اشىلۋ راسىمىنە قاتىسقانى ٴۇشىن ەستونيا رەسپۋبليكاسىنىڭ پرەمەر-مينيسترىنە ريزاشىلىق ٴبىلدىردى.

قازاقستان پرەزيدەنتى ەستونيانىڭ سيفرلىق تەحنولوگيالار سالاسىنداعى تاجىريبەسى مول ەكەنىن اتاپ ٴوتتى.

نۇرسۇلتان نازاربايەۆ ەكى ەل اراسىنداعى ساۋدا بايلانىستارىن نىعايتۋ قاجەتتىگىن ايتىپ، ەكونوميكالىق ىنتىماقتاستىقتى دامىتۋدىڭ باسىم باعىتتارىنا توقتالدى. مەملەكەت باسشىسى ەلىمىزدە ىسكە اسىرىلىپ جاتقان ينفراقۇرىلىمدىق باعدارلامالار مەن سولاردىڭ اياسىندا بوي كوتەرىپ كەلە جاتقان نىساندار جانە كولىك-ترانزيت الەۋەتىن ارتتىرۋ جونىندەگى جوبالاردىڭ ناتيجەلەرى تۋرالى ايتتى.

سونىمەن قاتار، مەملەكەت باسشىسى قايتا وڭدەۋ جانە اگرارلىق ونەركاسىپ، فارماسەۆتيكا سالالارىندا جانە ەكونوميكانىڭ باسقا دا سەكتورلارىندا ىنتىماقتاستىقتى ٴبىر جولعا قويۋدىڭ ماڭىزدى ەكەنىن اتاپ ٴوتتى.

ەستونيا رەسپۋبليكاسىنىڭ پرەمەر-مينيسترى قوناقجايلىق كورسەتكەنى ٴۇشىن قازاقستان پرەزيدەنتىنە العىس ايتىپ، ٴوزىنىڭ استاناعا العاشقى ساپارىنان العان اسەرىن ورتاعا سالدى.

«كەشە پرەمەر-مينيستر باقىتجان ساعىنتايەۆپەن سىندارلى كەلىسسوز جۇرگىزدىك. مەن قازاقستانعا العاش رەت كەلىپ وتىرمىن. استانانىڭ ينفراقۇرىلىمدىق نىساندارىنا قاراپ، ەلدەرىڭىزدىڭ قالاي دامىپ كەلە جاتقانىن كورۋگە بولادى»، – دەدى يۋ.راتاس.

ەستونيا رەسپۋبليكاسىنىڭ پرەمەر-مينيسترى سيفرلاندىرۋ جانە كولىك-لوگيستيكا سالالارىندا بىرلەسكەن جوبالاردى ىسكە اسىرۋعا، سونداي-اق ينۆەستيسيالىق ىنتىماقتاستىقتى كەڭەيتۋگە مۇددەلىلىك تانىتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي