BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

نازاربايەۆ «dp world» كومپانياسى باسقارماسىنىڭ توراعاسىمەن كەزدەستى،

قازاقستان پرەزيدەنتى «dp world» كومپانياسى باسقارماسىنىڭ ٴتوراعاسى سۇلتان احمەد بين سۋلايەممەن كەزدەستى، دەپ حابارلايدى اقوردانىڭ ٴباسپاسوز قىزمەتى.

كەزدەسۋ بارىسىندا مەملەكەت باسشىسى «dp world» كومپانياسىنىڭ جۇك تاسىمالى مەن لوگيستيكا سالاسىنداعى جەتىستىكتەرىن اتاپ ٴوتتى.

– سىزدەر الەمدەگى 78 تەرمينالدى باسقارىپ، 6 قۇرلىقتاعى 42 ەلمەن جۇمىس ىستەيسىزدەر. ٴبىز ٴۇشىن سىزدەردىڭ مول تاجىريبەلەرىڭىز اسا ماڭىزدى، بىرلەسىپ جۇمىس ىستەۋگە دايىنبىز، – دەدى نۇرسۇلتان نازاربايەۆ.

قازاقستان پرەزيدەنتى ينۆەستيسيا تارتۋ ٴۇشىن جاسالىپ جاتقان ەلىمىزدەگى جاعدايعا ەرەكشە توقتالىپ، قۇرىق پورتى ەركىن ەكونوميكالىق ايماعىنىڭ باسىمدىقتارى جونىندە ايتتى.

– ٴبىز جاڭا جول سالدىق، الاشانكوۋ مەن قورعاس ارقىلى وتەتىن ەكى جول تارتىلدى. وسىلايشا، ٴبىز شىعىس قىتاي پروۆينسياسىنان قازاقستان، ورتالىق ازيا، رەسەي، پارسى شىعاناعى، قارا تەڭىز جانە جەرورتا تەڭىزى ارقىلى ەۋروپاعا جۇك تاسىمالداۋ كولەمىن تولىق قامتاماسىز ەتىپ وتىرمىز، – دەدى نۇرسۇلتان نازاربايەۆ.

كومپانيا جەتەكشىسى مەملەكەت باسشىسىن قۇرىق پورتى مۋلتيمودالدى تەرمينالىنىڭ ىسكە قوسىلۋىمەن قۇتتىقتاپ، قازاقستاندا ترانسۇلتتىق تاسىمالداۋشىلاردىڭ جۇمىس ىستەۋىنە قولايلى جاعداي جاسالعانى ٴۇشىن العىس ٴبىلدىردى.

– مەن ٴسىزدىڭ سىڭىرگەن ەڭبەگىڭىزدى جوعارى باعالايتىنىمدى تاعى دا اتاپ وتكىم كەلەدى. بۇل جوبانىڭ جۇزەگە اسىرىلۋى، شىندىعىندا، عاجايىپ ٴىس بولىپ سانالادى. سەبەبى ينفراقۇرىلىمعا قارجى سالماي، قازاقستاندا عانا ەمەس، سونداي-اق وسى وڭىردە ەكونوميكالىق تۇرعىدان جەتىستىككە جەتۋ مۇمكىن ەمەس. ٴبىز ٴوز تۇتىنۋشىلارىمىزدىڭ ماقساتتارى مەن قاجەتتىلىكتەرى ٴۇشىن اقتاۋ پورتىنىڭ جۇمىسىنا مۇددەلى بولىپ وتىرمىز، – دەدى سۇلتان احمەد بين سۋلايەم.

سوڭىندا قازاقستان پرەزيدەنتى «dp world» كومپانياسىنىڭ باسشىسىنا ٴوزارا ٴتيىمدى ىنتىماقتاستىق جولىندا زور تابىس تىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي