BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

نازاربايەۆ بيۋدجەت قارجىسىن ۇرلاۋعا جول بەرمەۋدى تاپسىردى

قازاقستان پرەزيدەنتى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ٴتورايىمى ناتاليا گودۋنوۆانى قابىلدادى، دەپ حابارلايدى اقوردانىڭ ٴباسپاسوز قىزمەتى.

كەزدەسۋ بارىسىندا مەملەكەت باسشىسىنا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ قازىرگى قىزمەتى جانە مەملەكەتتىك باعدارلامالاردىڭ ٴاۋديتى، سونداي-اق وڭىرلەردەگى تەكسەرۋ كوميسسيالارىنا كورسەتىلىپ جاتقان ادىستەمەلىك قولداۋ جۇمىستارى تۋرالى مالىمەت بەرىلدى.

نۇرسۇلتان نازاربايەۆ بيۋدجەت قارجىسىن ٴتيىمدى يگەرۋدى جانە ونىڭ قولدى بولۋىنا جول بەرمەۋدى قامتاماسىز ەتۋ ىسىندەگى ەسەپ كوميتەتىنىڭ ماڭىزدى ٴرولىن اتاپ ٴوتتى.

– ەسەپ كوميتەتى – مەملەكەت قارجىسىنىڭ ورىندى يگەرىلۋىن جانە بيۋدجەتتىڭ اتقارىلۋىن تاۋەلسىز باعالاۋدى قامتاماسىز ەتەتىن ماڭىزدى ورگان. قاراجات تەك كوزدەلگەن ماقساتقا بولىنۋگە ٴتيىس، – دەدى قازاقستان پرەزيدەنتى.

ن.گودۋنوۆا «100 ناقتى قادام» ۇلت جوسپارى اياسىندا جۇزەگە اسىرىلىپ جاتقان مەملەكەتتىك اۋديت جۇيەسىن الەمدىك ستاندارتتارعا ساي جاڭعىرتۋدىڭ بارىسى جونىندە باياندادى.

– قازىرگى ۋاقىتتا ەسەپ كوميتەتى ٴوز جۇمىسىندا قارجىعا قاتىستى قۇقىق بۇزۋشىلىق فاكتىلەرىن انىقتاۋ تاجىريبەسىنەن گورى تيىمدىلىكتى باعالاۋعا باستى ٴمان بەرىپ وتىر. ٴبىز قارجىلىق قۇقىق بۇزۋشىلىققا نەگىز بولاتىن سەبەپتەردى انىقتاۋ ىسىندە اۋديت نىساندارىنا قولداۋ كورسەتەمىز جانە ٴتيىستى ۇسىنىمدار بەرەمىز، – دەدى ەسەپ كوميتەتىنىڭ ٴتورايىمى.

سونىمەن قاتار، ن.گودۋنوۆا قازاقستان پرەزيدەنتىنە مەملەكەتتىك باعدارلامالار مەن مەملەكەتتىك ورگانداردىڭ ستراتەگيالىق جوسپارلارىنا اۋديت جۇرگىزۋ جانە رەسپۋبليكالىق بيۋدجەتتى جوسپارلاۋ كەزىندە الدىن الا باعالاۋ جونىندە باياندادى.

كەزدەسۋ سوڭىندا قازاقستان پرەزيدەنتى ٴبىرقاتار ناقتى تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي