BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

نازاربايەۆ اقش ەلشىسىن «دوستىق» وردەنىمەن ماراپاتتادى

فوتو: Ақорда

نۇرسۇلتان نازاربايەۆ امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولمەن كەزدەستى، دەپ حابارلايدى اقوردانىڭ ٴباسپاسوز قىزمەتى.

مەملەكەت باسشىسى كەزدەسۋ بارىسىندا دجوردج كرولعا قازاقستانداعى جەمىستى ەڭبەگى ٴۇشىن ريزاشىلىق ٴبىلدىرىپ، ديپلوماتتىڭ ەكى جاقتى بايلانىستاردىڭ دامۋىنا ەرەكشە ۇلەس قوسقانىن اتاپ ٴوتتى.

– ٴسىز جۇمىس ىستەگەن ۋاقىتتا ەلدەرىمىز اراسىنداعى جەمىستى قارىم-قاتىناستار نىعايا ٴتۇستى. قاڭتار ايىنداعى اقش-قا ساپارىم بارىسىندا پرەزيدەنت د.ترامپپەن كەزدەستىم. ٴبىزدىڭ ەكونوميكالىق ىنتىماقتاستىعىمىز جاڭا دەڭگەيگە كوتەرىلدى. قول جەتكىزگەن بارلىق ۋاعدالاستىقتار تابىستى جۇزەگە اسىرىلۋدا. مۇنىڭ بارىندە ٴسىزدىڭ ۇلەسىڭىز مول. ٴسىز قازاق ٴتىلى مەن مادەنيەتىن ناسيحاتتاپ ٴجۇرسىز. ٴوزارا قارىم-قاتىناستارىمىزدىڭ نىعايۋىنا زور ەڭبەك ٴسىڭىردىڭىز. ٴسىزدى قازاقستاننىڭ دوسى بولىپ قالا بەرەدى دەپ سەنەمىن، – دەدى ەلباسى.

د.كرول قازاقستان رەسپۋبليكاسىنداعى ديپلوماتيالىق قىزمەتىنە جوعارى باعا بەرگەنى ٴۇشىن نۇرسۇلتان نازاربايەۆقا العىس ايتىپ، قازاقستانداعى مارتەبەلى جۇمىسىن زور جاۋاپكەرشىلىكپەن اتقارعانىن اتاپ ٴوتتى. ەلشى، سونداي-اق، اتقارعان قىزمەتىنىڭ ەكى ەل اراسىنداعى قارىم-قاتىناستاردىڭ ودان ٴارى دامۋىنا سەپتىگىن تيگىزەتىنىنە سەنىم ٴبىلدىردى.

كەزدەسۋ سوڭىندا مەملەكەت باسشىسى امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولدى ديپلوماتيالىق ميسسياسىنىڭ اياقتالۋىنا بايلانىستى قازاقستان رەسپۋبليكاسى مەن امەريكا قۇراما شتاتتارى اراسىنداعى بەيبىتشىلىكتى، دوستىق پەن ىنتىماقتاستىقتى نىعايتۋعا قوسقان ۇلەسى ٴۇشىن ٴىى دارەجەلى «دوستىق» وردەنىمەن ماراپاتتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي