BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

نازاربايەۆ اەف-كە كەلگەن شەتەلدىك جەتەكشى ساراپشىلاردى قابىلدادى

فوتو: Ақорда

قر پرەزيدەنتى نۇرسۇلتان نازاربايەۆ ٴحى استانا ەكونوميكالىق فورۋمىنا كەلگەن شەتەلدىك جەتەكشى ساراپشىلارمەن كەزدەستى، دەپ حابارلايدى اقوردانىڭ ٴباسپاسوز قىزمەتى.

دوڭگەلەك ۇستەل فورماتىندا وتكەن كەزدەسۋ بارىسىندا ەكونوميكالىق دامۋدىڭ جانە ساۋدا قاتىناستارىنىڭ جاھاندىق ۇردىستەرى، «جاسىل» ەكونوميكاعا كوشۋ، بالامالى ەنەرگيا كوزدەرىن پايدالانۋ، قازاقستاننىڭ كولىك-ترانزيت الەۋەتىن دامىتۋ جانە ەكونوميكانى سيفرلاندىرۋ ماسەلەلەرى تالقىلاندى.

كەزدەسۋدە ەستونيانىڭ بۇرىنعى پرەزيدەنتى تووماس يلۆەس ۇلتتىق ەكونوميكانى سيفرلاندىرۋ تاجىريبەسى جونىندە ايتىپ، سيفرلىق ەكونوميكاعا ٴتيىمدى كوشۋ ٴۇشىن ساياسي ەرىك-جىگەردىڭ بولۋى ماڭىزدى ەكەنىنە توقتالدى. ت.يلۆەس سيفرلىق قىزمەتتەر كورسەتۋدى دامىتۋدىڭ، جەلى قولدانۋشىلارىنىڭ سيفرلىق ساۋاتتىلىعىن ارتتىرۋدىڭ جانە اقپاراتتىق قاۋىپسىزدىكتى قامتاماسىز ەتۋدىڭ ماڭىزدىلىعىن اتاپ ٴوتتى.

دۇنيەجۇزىلىك ساۋدا ۇيىمى باس ديرەكتورىنىڭ ورىنباسارى الان ۆولف حالىقارالىق ەلەكتروندى ساۋدا جۇيەسىن دامىتۋدىڭ قازىرگى احۋالى مەن پەرسپەكتيۆالارى جونىندە اڭگىمەلەدى.

ەۋروپا قايتا قۇرۋ جانە دامۋ بانكىنىڭ ٴبىرىنشى ۆيسە-پرەزيدەنتى يۋرگەن ريگتەرينك قازاقستان ەكونوميكاسىنىڭ ٴوسىمىن جانە ونىڭ قايتا قۇرىلىپ كەلە جاتقانىن اتاپ ٴوتىپ، ەلىمىزدىڭ كولىك-ترانزيت الەۋەتىن، اگروونەركاسىپ كەشەنى مەن «استانا» حالىقارالىق قارجى ورتالىعىنىڭ مۇمكىندىكتەرىن پايدالانۋدىڭ ماڭىزدى ەكەنىن ايتتى.

بىرىككەن ۇلتتار ۇيىمى ساۋدا جانە دامۋ جونىندەگى كونفەرەنسياسىنىڭ باس حاتشىسى مۋحيسا كيتۋيي قازاقستانداعى كەدەندىك دەكلاراسيالاۋدىڭ جەڭىلدەتىلۋى ەسەبىنەن قول جەتكىزىلگەن وڭ ناتيجەلەرگە توقتالدى.

بەيبىتشىلىك جونىندەگى نوبەل سىيلىعىنىڭ لاۋرەاتى رادجەندرا كۋمار پاچاۋري كليمات وزگەرىستەرى ناتيجەسىندە تۋىنداعان پروبلەمالارعا توقتالىپ، «جاسىل» تەحنولوگيالاردى دامىتۋدىڭ جانە كەڭەيتۋدىڭ ماڭىزدىلىعىن اتاپ ٴوتتى. رادجەندرا كۋمار پاچاۋري استانادا وتكەن حالىقارالىق «ەكسپو-2017» مامانداندىرىلعان كورمەسىنىڭ تاقىرىبى مەن ونىڭ ناقتى ناتيجەلەرىنىڭ وزەكتىلىگىنە نازار اۋداردى.

بەيبىتشىلىك جونىندەگى نوبەل سىيلىعىنىڭ لاۋرەاتى راە كۆون چۋنگ تا «جاسىل» ەكونوميكاعا كوشۋدىڭ قاجەتتىگىن ايتىپ، بالامالى ەنەرگيا كوزدەرىن قولدانۋدىڭ جاعىمدى تۇستارىن اتاپ ٴوتتى.

«dp world» كومپانياسى باسقارماسىنىڭ ٴتوراعاسى سۇلتان احمەد بين سۋلايەم لوگيستيكالىق جوبالاردى ىسكە اسىرۋ سالاسىنداعى ىنتىماقتاستىقتى ودان ٴارى نىعايتا تۇسۋگە مۇددەلىلىك تانىتتى. سۇلتان احمەد بين سۋلايەم اقتاۋ قالاسىنداعى پورت پەن «قورعاس» شەكارا ماڭى ىنتىماقتاستىعى ورتالىعىن پايدالانۋدىڭ تيىمدىلىگى جونىندە ايتتى.

دوكتور ەنتوني تاۋنسەند «اقىلدى قالالاردى» دامىتۋ جانە قالالاردى باسقارۋ ۇدەرىسىندە جاساندى ينتەللەكت تەحنولوگيالارىن قولدانۋ جونىندەگى ويىن ورتاعا سالدى.

الەمنىڭ جەتەكشى ساراپشىلارىنىڭ باياندامالارى تىڭدالعان سوڭ قازاقستان پرەزيدەنتى جيىنعا قاتىسۋشىلارعا استانا ەكونوميكالىق فورۋمىنا قاتىسقانى جانە دوڭگەلەك ۇستەل وتىرىسىندا ايتقان يدەيالارى ٴۇشىن ريزاشىلىق ٴبىلدىردى.

«ەۋروپادا داۆوس فورۋمى، بىزدە استانا ەكونوميكالىق فورۋمى، ال تىنىق مۇحيتىنىڭ جاعالاۋىندا بواو ازيا فورۋمى بار. بۇل فورۋمدار ٴبىر عانا ماقساتتى – قالىپتاسقان احۋالدان شىعۋ جولىن ىزدەۋدى كوزدەپ وتىر. ٴبىز الەمدىك فورۋمداردىڭ بارىمەن ىنتىماقتاستىق ورناتىپ، مەملەكەتتەر مەن حالىقتاردىڭ يگىلىگى ٴۇشىن جۇمىس ىستەگىمىز كەلەدى. بۇل – دامۋ، ىلگەرىلەۋ جانە تۇسىنىستىك مۇمكىندىگى»، – دەدى مەملەكەت باسشىسى.

نۇرسۇلتان نازاربايەۆ جيىنعا قاتىسقان ساراپشىلاردىڭ ٴبارى استانا ەكونوميكالىق فورۋمىنىڭ بەدەلىن نىعايتۋعا جانە ونى دامىتۋعا ۇلەس قوسقانىن اتاپ ٴوتتى.

مەملەكەت باسشىسى قازاقستاننىڭ دامۋ تاريحىنا توقتالىپ، ەلىمىزدە ەتنوسارالىق جانە ۇلتارالىق كەلىسىمدى ساقتاۋ جانە نىعايتۋ جولىندا اتقارىلعان جۇمىس تاجىريبەسى جونىندە ايتتى.

«ٴبىز كونستيتۋسيادا، زاڭنامالىق دەڭگەيدە جانە ٴىس جۇزىندە بارلىق ازاماتتار قۇقىقتارىنىڭ تەڭدىگىن قامتاماسىز ەتتىك. قازاقستاندا بارلىق ٴدىني كونفەسسيالاردىڭ وكىلدەرى تۇرادى. ولارعا ٴدىني نانىم-سەنىم بوستاندىعى بەرىلگەن. ٴداستۇرلى دىندەردىڭ الەمدىك كوشباسشىلارى وزدەرىنىڭ سەزدەرىن ٴدال وسى استانادا وتكىزۋگە شەشىم قابىلدادى. بيىل كەزەكتى ٴvى سەزد وتكەلى وتىر»، – دەدى قازاقستان پرەزيدەنتى.

نۇرسۇلتان نازاربايەۆ قازاقستاننىڭ بارلىق كورشىلەس ەلدەرمەن دوستىق جانە ارىپتەستىك قارىم-قاتىناس ورناتقانىن اتاپ ٴوتتى.

مەملەكەت باسشىسى ەلىمىزدەگى بارلىق ازاماتتاردىڭ تۇرمىسىن جاقسارتۋعا باعىتتالعان شارالاردىڭ ارقاسىندا ٴبىزدىڭ قوعامدا تۇراقتىلىق پەن كەلىسىمگە قول جەتكىزىلگەنىن ايتتى.

«تاۋەلسىزدىك جىلدارىندا ەكونوميكامىز 25 ەسە ٴوستى. جان باسىنا شاققاندا ىشكى جالپى ٴونىم 12 مىڭ اقش دوللارىنا جەتتى. ەندى ۇلتتىق قوردا جيناقتالعان قارجىنىڭ ارقاسىندا ينفراقۇرىلىمدىق جانە يندۋستريالدىق دامۋ، سونداي-اق ٴبىلىم بەرۋ مەن دەنساۋلىق ساقتاۋ سالالارىنا ارنالعان باعدارلامالاردى جۇزەگە اسىرىپ كەلەمىز. ەلىمىزدە ٴومىر ٴسۇرۋ ۇزاقتىعى 7 جىلعا ۇزاردى. ٴبىزدىڭ جاس ۇرپاعىمىز ٴبىلىمدى جانە ٴورشىل ماقساتپەن بولاشاققا كوز تىگەمىز»، – دەدى قازاقستان پرەزيدەنتى.

سوڭىندا قازاقستان پرەزيدەنتى استانا ەكونوميكالىق فورۋمىنا قاتىسۋشىلارعا تاعى دا ريزاشىلىق ٴبىلدىرىپ، ولاردىڭ ۇسىنىستارى مەن يدەيالارى ەلىمىزدى ودان ٴارى دامىتۋ ٴۇشىن ماڭىزدى ەكەنىن اتاپ ٴوتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي