BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

نازاربايەۆ پۋتينمەن دوستىعى جايلى ايتتى 

استانا، baq.kz. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ كورشى مەملەكەتتەرمەن، سونىڭ ىشىندە رەسەيمەن دوستىعى تۋرالى ايتىپ بەردى. بۇل جونىندە "روسسيا 1" تەلەارناسى حابارلادى.

"بولپشاق جايلى ايتۋ - راحىمسىز ٴىس، ٴبىز كورىپكەل ەمەسپىز. بولاشاق وسى الەمدى، ٴبىزدىڭ بارلىعىمىزدى جاراتقان جاراتۋشىعا عانا ايان. ٴبىز قازاقستاندى قالاي كورەمىز؟ ونى ٴبىزدىڭ ورتالىق ازيالىق كورشىلەرىمىزدەن، شەكارامىز ۇلان-عايىر ۇشتاسقان رەسەيدەن جانە قىتاي حالىق رەسپۋبليكاسىنان ٴبولىپ قاراستىرۋعا بولمايدى. ەكى مىڭ كيلومەترگە جۋىق شەكارا. ولاردىڭ دامۋىنا، جاعدايىنا بارلىعى بايلانىستى. سەن ەگىن ەككەنىڭمەن، كورشىڭنىڭ جەرىندە ٴارامشوپ بولسا، سەندە دە ٴارامشوپ شىعپدى دەگەن ٴسوز بار. سول سەبەپتى، ٴبىز ساۋدا-ساتتىق جاسايتىن كورشىلەرىمىزگە دامۋ تىلەۋ وتە ماڭىزدى. ٴبىز بولاشاققا وپتيميستىك كوزقاراسپەن قارايمىز. ٴبىز وتىز ەلدىڭ قاتارىنا كىرۋدى جۇزەگە اسىرا الامىز"، - دەدى نازاربايەۆ.

رەسەيمەن جۇمىس ماسەلەسىندە نازاربايەۆ پرەزيدەن ۆلاديمير پۋتينمەن جەكە دوستىعىن اتاپ ٴوتتى.

"مۇندا ەرەكشە جاعداي دەۋگە بولادى. ۆلاديمير ۆلاديميروۆيچ پۋتين 2000 جىلى ساياساتقا كەلگەن كەزدەن باستاپ مەن ونىمەن بايلانىستامىن، ٴبىز ماسەلەلەردى، ٴتىپتى وتە كۇردەلى ماسەلەلەردى بىرلەسىپ شەشەمىز. بۇل 7 مىڭ 500 مەتر ورتاق شەكارانى بەلگىلەۋ. ٴاربىر مەتر، ٴاربىر كيلومەتردى تىركەۋ كەرەك بولدى. قىتايمەن ارادا نەشە كيلومەتر ەكەنىن بىلەسىز بە؟ ٴجۇز جىل بويى وسىنى شەشە المادىق. ٴدال سول سياقتى كاسپيي تەڭىزىندەگى شەكارا ناقتىلانباي كەلدى. بۇل ماڭىزدى ماسەلەلەر بولاتىن. مىسالى، بايقوڭىر عارىش ايلاعىنىڭ پروبلەماسى. وسىنىڭ بارلىعى ۆلاديميروم ۆلاديميروۆيچپەن اراداعى سەنىم، جاقسى قارىم-قاتىناستىڭ ارقاسىندا شەشىلدى"، - دەدى قر پرەزيدەنتى.

ەلباسى رەسەي پرەزيدەنتىمەن بۇل دوستىق اراقاتىناس كۇنى بۇگىنگە دەيىن جالعاسىپ كەلە جاتقانىن ايتتى.

"وسى ۋاقىت ىشىندە تمد-دا، ەۋرازەق-دا بولعان باپلىق ىنتىماقتاستىق ماسەلەلەرى دە. كورشىلەرمەن ٴوزارا قاتىناس ٴارتۇرلى بولادى. ٴبىز ونىڭ بارلىعىن ىنتىماقتاستىق قاۋىمداستىعىمىزدا بىرلەسىپ شەشەمىز. رەسەي ورتالىق ورىنعا يە ەكەنى ٴسوزسىز. ادام رەسۋرسى بويىنشا دا، ەكونومتكاسى بويىنشا دا. مەن رەسەي مەن قازاقستان اراسىنداعى مەملەكەتاراللىق قارىم-قاتىناس باسقالارعا ۇلگى بولارلىقتاي ەكەنىن وسىعان دەيىن ايتقان بولاتىنمىن. ەگەر، الەمدەگى باسقا دا كورشىمەملەكەتتەر اراسىندا وسىنداي اراقاتىناس بولسا، ٴقازىر باستان وتكەرىپ جاتقان قيىندىقتار بولماس ەدى"، - دەدى نازاربايەۆ.

پرەزيدەنت، سونداي-اق، كەڭەس زامانىنداعى، ورىس اندەرىن ٴالى دە ايتاىنىن، سەبەبى سول اندەرمەن وسكەنىن ايتتى.

"ٴيا، مەن ەكى - تۋعان قازاق جانە ورىس مادەنيەتىندە تاربيەلەندىم. ٴبىزدىڭ زامانىمىزدا سولاي بولدى. ٴبىز كەڭەس زامانىندا وستىك. ٴبىر ەل، ٴبىر تۇسىنىك بولدى. كومسومول مەن پارتيا بولدى. ەنتۋزيازم بولدى. جاستىق شاق بولدى. اندەر ايتتىق. ٴقازىردىڭ وزىندە سول اندەر جۇرەك تەبىرەنتەدى. ورىس اندەرى دارحان دالاداي، دارياداي، تولقىنداي اۋەزدى. قازاق اندەرى دە اۋەزدى. ٴبىر امەريكالىق قوناق ٴان ايتقاندا نەگە سونشا ايقايلايتىنىن سۇرادى. مەن ٴبىزدىڭ دالامىز قانداي ەكەنىن كوردىڭىز بە دەپ جاۋاپ بەردىم. قازاق وسى كەڭ دالادا كەلە جاتىپ، ٴان بارشاعا جەتسىن دەپ، اۋەزدى شىرقايدى. سول سەبەپتى، بىزدە بۇل جاعىنان ۇقساستىق بار"، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي