BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

مەملەكەتتىك حاتشى تۇرىكمەنستان ەلشىسىمەن كەزدەستى

قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا تۇرىكمەنستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى تويلى كومەكوۆپەن كەزدەستى، دەپ حابارلايدى baq.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

كەزدەسۋ بارىسىندا گ.ٴابدىقالىقوۆا ەلىمىزدىڭ ىشكى ساياساتىنداعى ماڭىزدى باعىتتارعا نازار اۋداردى. بۇگىندە قازاقستان پرەزيدەنتى ن.نازاربايەۆتىڭ تاپسىرماسىمەن ەكونوميكانى، ساياساتتى جانە قوعامدىق سانانى جاڭعىرتۋدى كوزدەگەن جۇيەلى جۇمىس جۇرگىزىلۋدە. مەملەكەت باسشىسىنىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى ىسكە اسىرىلىپ جاتىر. ماقساتىمىز – جاڭا الەمنىڭ كوشباسشى ەلدەرىنىڭ قاتارىنا قوسىلۋ. الەۋمەتتىك جاۋاپتى مەملەكەت قۇرۋعا باعىتتالعان «پرەزيدەنتتىڭ بەس الەۋمەتتىك باستاماسى» جوباسى ورىندالۋدا.

گۇلشارا ٴابدىقالىقوۆا كەڭ اۋقىمدى باعىتتار بويىنشا جوعارى دەڭگەيدەگى ٴوزارا سەنىمگە نەگىزدەلگەن سىندارلى ساياسي ديالوگتىڭ ارقاسىندا ەكىجاقتى قارىم-قاتىناس نىعايىپ، ىنتىماقتاستىق ستراتەگيالىق مارتەبەگە يە بولعانىن ايتتى.

– تۇرىكمەنستان قازاقستان ٴۇشىن ورتالىق ازياداعى تەك تاتۋ كورشى مەن سەنىمدى سەرىكتەس قانا ەمەس، باۋىرلاس مەملەكەت. ٴبىزدىڭ ەلدەردى ورتاق مادەنيەت، شىنايى دوستىق پەن ٴوزارا ٴىس-قيمىل بايلانىستىرادى، – دەدى مەملەكەتتىك حاتشى.

بۇگىندە قازاقستان مەن تۇرىكمەنستان ٴتۇرلى كوپجاقتى باسقوسۋلار (بۇۇ، تمد، يىۇ جانە ت.ب.) اياسىندا ىنتىماقتاسىپ كەلەدى. پارلامەنتارالىق جانە ۆەدومستۆوارالىق بايلانىستار نىعايۋدا. ٴوڭىرارالىق بايلانىستاردىڭ ٴورىسى كەڭەيۋدە. ەكونوميكالىق ىنتىماقتاستىق جونىندەگى ۇكىمەتارالىق كوميسسيا جۇمىسى جولعا قويىلعان.

– حالىقارالىق ارالدى قۇتقارۋ قورى وڭىرلىك ٴوزارا ٴىس-قيمىلدىڭ ماڭىزدى الاڭى بولىپ قالا بەرەدى، – دەدى مەملەكەتتىك حاتشى.

قازاقستان مەن تۇرىكمەنستاندا الەمدىك، سونداي-اق وڭىرلىك دەرجاۆالار يگەرۋگە جانە جەتكىزۋگە مۇددەلى بولىپ وتىرعان كومىرسۋتەك رەسۋرستارىنىڭ ەلەۋلى قورى بار. ەكى ەلدىڭ كولىك-ترانزيت الەۋەتى دە وراسان زور. ەلدەرىمىز اراسىنداعى تاۋار اينالىمى 2017 جىلى 99،3 ميلليون دوللار بولدى.

كەزدەسۋ سوڭىندا مەملەكەتتىك حاتشى گ.ن.ٴابدىقالىقوۆا تۇرىكمەنستاننىڭ قازاقستانداعى توتەنشە جانە وكىلەتتى ەلشىسى ت.ب.كومەكوۆكە ٴوزارا قارىم-قاتىناستى تاتۋ كورشىلىك پەن ستراتەگيالىق سەرىكتەستىك رۋحىندا ودان ٴارى ىلگەرىلەتۋ جولىندا مول تابىس تىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي