BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

مەملەكەت باسشىسى: وسى ۋاقىتقا دەيىن ٴبىز تۋريزمگە كوڭىل بولمەي كەلدىك

فوتو: ашық дереккөзден

بۇگىن قازاقستان پرەزيدەنتى نۇرسۇلتان نازاربايەۆ الداعى ۋاقىتتا مەملەكەت ٴتۋريزمدى دامىتۋعا باسا ٴمان بەرەتىنىن مالىمدەدى، دەپ حابارلايدى baq.kz ٴتىلشىسى.

الدىمەن ەلباسىعا تۋريزم سالاسىندا قانداي جۇمىستار جاسالىپ جاتقانى جونىندە پرەمەر-مينيستردىڭ ٴبىرىنشى ورىنباسارى اسقار ٴمامين، قر مادەنيەت جانە سپورت ٴمينيسترى ارىستانبەك مۇحامەدي ۇلى، اقمولا وبلىسىنىڭ اكىمى مالىك مىرزالين ەسەپ بەردى.

پرەزيدەنت ولاردىڭ ەسەبىن تىڭداپ بولعان سوڭ، وسى باعىتتاعى جۇمىستاردى جۇرگىزە بەرۋ قاجەتتىگىن اتاپ ٴوتتى.

«وسى سالادا جۇمىس ىستەيتىن جاعدايعا جەتتىك. سوندىقتان مەنىڭ تاپسىرمام بويىنشا مەملەكەت تاراپىنان 2023 جىلعا دەيىن (ٴتۋريزمدى دامىتۋ بويىنشا اۆتور) بەسجىلدىق باعدارلاما قابىلداندى. مەن ونىڭ ورىندالۋ جولدارىن ٴقازىر تىڭدادىم. ۇكىمەت پەن مينيسترلىك وكىلى، وبلىستىڭ اكىمى نە ىستەپ جاتقانىن كوردىك. بۇل جۇمىستى ٴبىز ٴبىتىرۋىمىز كەرەك»، - دەدى ەلباسى.

سونىمەن قاتار نۇرسۇلتان نازاربايەۆ وسى ۋاقىتقا دەيىن ەلىمىزدە تۋريزم سالاسىنا ٴتيىستى دارەجەدە كوڭىل بولىنبەگەنىن اتاپ ٴوتتى.

«ٴبىز وسى ۋاقىتقا دەيىن تۋريزمگە ٴتيىستى دارەجەدە كوڭىل بولمەي كەلدىك. ٴار نارسەنىڭ ٴوز ۋاقىتى بار. وسىعان دەيىن ەكونوميكالىق جاعداي وعان مۇمكىندىك بەرگەن جوق. سوندىقتان ٴبىز وسى ماسەلەنى شەشۋگە كىرىستىك. مۇمكىندىگى بار قازاقستاندىقتار الەمدەگى بارلىق كۋرورتتارعا بارىپ ٴبىتتى. ولار سول جاقتاعى تەڭىزدەرگە ٴتۇستى، سۋلارىنا شومىلدى، بارلىعىن كوردى. مەن دە وسىلاردىڭ ىشىندە بولدىم»، - دەدى ول.

وسى ورايدا پرەزيدەنت ەندى وتاندىق ٴتۋريزمدى دامىتۋعا باسا نازار اۋدارىلاتىنىن ايتتى.

«ەندىگى ماقسات – ەلدىڭ ىشىندە جاعداي جاساۋ، بالالارىمىزعا قازاقستاننىڭ ادەمى ەكەنىن كورسەتۋ. سوندىقتان بۇگىندە مەملەكەت وسى سالاعا ٴبولىپ وتىر. ەكىنشىدەن، بۇل ەكونوميكالىق جاعىنان وتە ٴتيىمدى سالا بولىپ سانالادى. مەنىڭ ويىمشا، وسى سالاعا ينۆەستيسيا تارتىپ، جاعداي جاساۋ كەرەك. سوندىقتان مەن بۋرابايعا كەلىپ وتىرمىن»، - دەدى مەملەكەت باسشىسى.

سونداي-اق ەلباسى بۋراباي دەمالىس ايماعىندا قانداي جۇمىستار جاسالۋ قاجەتتىگىنە توقتالدى.

«بۋرابايدا جاسالاتىن ٴبىرىنشى ماسەلە – ىشكى ينفراقۇرىلىمىن جۇمىستارىن ٴبىتىرۋ. سەبەبى، ٴبىز سىرتقى جۇمىستاردى اياقتادىق. ول ٴۇشىن ٴتيىستى جۇمىستاردى جۇرگىزدىك. استانادان بۋرابايعا اۆتو جانە تەمىرجول سالىندى. كوكشەتاۋدىڭ اەروپورتى جوندەلدى. ەندى ىشتەگى ينفراقۇرىلىمدى قولعا الۋ كەرەك. ەگەر ٴبىز بارلىق وبەكتىلەرگە سۋ تارتىپ، ەلەكتر جۇيەلەرى مەن كارىس جۇيەسىن اكەلەتىن بولساق، مەملەكەت ٴتۋريزمدى دامىتادى. ونى مەملەكەتتەن باسقا ەشكىم سالمايدى. سوندا ينۆەستورلاردىڭ كەلۋىنە مۇمكىنشىلىك جاسالادى»، - دەدى ول.

پرەزيدەنتتىڭ ايتۋىنشا، وڭىردە بەسجۇلدىزدى rixos قوناق ٴۇيىن سالىنۋى، وڭىرگە ينۆەستيسيا تارۋعا جانە تۋريستەردى كوپتەپ اكەلۋگە مۇمكىندىك بەرگەن.

ٴسوز سوڭىندا نازاربايەۆ دەمالىس ايماعىنداعى قىزمەت كورسەتۋ ساپاسىن ارتتىرۋ ٴۇشىن دە ٴتيىستى جۇمىستار جۇرگىزۋ قاجەتتىگىن ٴمالىم ەتتى.

«قوناق ٴۇيدى سالامىز. ٴبىراق سوندا جۇمىس ىستەيتىن كىم؟ سەرۆيس ماسەلەسى ٴارۋاقىتتا ەڭ نەگىزگى بولىپ سانالادى. ٴبىز جاستاردى وقىتىپ، ولارعا ماماندىق بەرۋىمىز كەرەك. وسى جاعىندا ويلاۋىمىز قاجەت. سوندىقتان بۋراباي دەمالىس ايماعى ارقىلى اقشا تابۋعا بولادى»، - دەپ تۇيىندەدى ٴسوزىن مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي