BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

مەملەكەت باسشىسى كورەيا رەسپۋبليكاسىنىڭ سىرتقى ىستەر مينيسترىمەن كەزدەستى

كەزدەسۋ بارىسىندا تاراپتار ىنتىماقتاستىقتىڭ وزەكتى ماسەلەلەرىن جانە ەكى ەل اراسىنداعى ساۋدا-ەكونوميكالىق قارىم-قاتىناستاردىڭ دامۋ پەرسپەكتيۆالارىن تالقىلادى، دەپ حابارلايدى baq.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

نۇرسۇلتان نازاربايەۆ كورەيا رەسپۋبليكاسىنىڭ سىرتقى ىستەر مينيسترىنە ٴىلتيپات ٴبىلدىرىپ، ەكىجاقتى بايلانىستاردىڭ سەنىمدى سيپاتقا يە بولىپ وتىرعانىن اتاپ ٴوتتى.

– استانا مەن سەۋل اراسىندا سەنىمگە نەگىزدەلگەن دوستىق قاتىناس ورناپ، ەكونوميكالىق ىنتىماقتاستىق قارقىندى دامىپ كەلەدى. ەكونوميكالىق جانە گۋمانيتارلىق ٴوزارا ىقپالداستىقتىڭ كوپتەگەن ماسەلەلەرى شەشىمىن تابۋدا. سىزدەردىڭ ورتالىق ازيادا جۇرگىزىپ جاتقان بەلسەندى جۇمىستارىڭىزدى قولدايمىز، – دەدى قازاقستان پرەزيدەنتى.

كورەيا رەسپۋبليكاسىنىڭ سىرتقى ىستەر ٴمينيسترى كەزدەسۋگە مۇمكىندىك بەرگەنى ٴۇشىن ريزاشىلىق ٴبىلدىرىپ، قازاقستان استاناسىنان العان اسەرى جونىندە ايتتى.

– بۇل – قازاقستانعا جانە استاناعا جاساعان العاشقى ساپارىم. مەن ٴۇشىن ساپارىمنىڭ ەلوردالارىڭىزدىڭ 20 جىلدىعىن مەرەكەلەۋ قارساڭىندا ٴوتۋىنىڭ ٴمانى زور. وسى كەزەڭ ىشىندە استانا دامۋدىڭ ۇلكەن جولىنان وتكەنىنە ٴتانتى بولدىم، – دەدى كان گيون حۆا.

كەزدەسۋدە سىرتقى ىستەر ۆەدومستۆوسىنىڭ باسشىسى قازاقستان پرەزيدەنتى نۇرسۇلتان نازاربايەۆقا كورەيا رەسپۋبليكاسىنىڭ پرەزيدەنتى مۋن چجە ٴيننىڭ ىستىق ىقىلاسىن جەتكىزدى.

– پرەزيدەنت مۋن چجە ين 25 جىل ىشىندە ەلدەرىمىز اراسىندا قالىپتاسقان بەرىك نەگىزگە سۇيەنە وتىرىپ، ىقتىماقتاستىعىمىزدى ودان ٴارى دامىتۋعا جانە نىعايتا تۇسۋگە نيەتتى، – دەدى كان گيون حۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي