BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

پرەزيدەنت كورەيا رەسپۋبليكاسى ۇلتتىق اسسامبلەياسىنىڭ سپيكەرىمەن كەزدەستى

نۇرسۇلتان نازاربايەۆ كەزدەسۋ بارىسىندا قازاقستان مەن وڭتۇستىك كورەيا اراسىنداعى ساۋدا-ەكونوميكالىق قارىم-قاتىناستىڭ دامىپ كەلە جاتقانىن جانە ونى ٴارى قاراي نىعايتۋعا مۇددەلى ەكەنىن اتاپ ٴوتتى، دەپ حابارلايدى baq.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

نۇرسۇلتان نازاربايەۆ كەزدەسۋ بارىسىندا قازاقستان مەن وڭتۇستىك كورەيا اراسىنداعى ساۋدا-ەكونوميكالىق قارىم-قاتىناستىڭ دامىپ كەلە جاتقانىن جانە ونى ٴارى قاراي نىعايتۋعا مۇددەلى ەكەنىن اتاپ ٴوتتى.

«قازاقستان كورەيا رەسپۋبليكاسىمەن جاقسى قارىم-قاتىناس ورناتقان. ەلدەرىمىز اراسىنداعى تاۋار اينالىمىنىڭ كولەمى ەكى ميلليارد دوللارعا جۋىقتادى. سىزدەردىڭ تاۋارلارىڭىزدىڭ ٴبىزدىڭ ەلگە ليانيۋنگان پورتى ارقىلى كەلىپ جاتقانى قۋانتادى، وندا ٴبىزدىڭ لوگيستيكالىق تەرمينالىمىز بار. قازاقستان كورەيامەن جاڭا جانە سيفرلىق تەحنولوگيا، يندۋستريالاندىرۋ، مەديسينا جانە باسقا دا سالالاردا ىنتىماقتاستىق ورناتۋعا نيەتتى»، – دەدى قازاقستان پرەزيدەنتى.

سونىمەن قاتار مەملەكەت باسشىسى قازاقستان مەن وڭتۇستىك كورەيا اراسىنداعى پارلامەنتارالىق قارىم-قاتىناستاردى نىعايتۋدىڭ جانە ولاردى دامىتۋدىڭ ماڭىزدىلىعىنا نازار اۋداردى.

چون سە گيۋن كەزدەسۋگە جانە ەكىجاقتى قاتىناستار ماسەلەسىن تالقىلاۋعا مۇمكىندىك بەرگەنى ٴۇشىن نۇرسۇلتان نازاربايەۆقا العىس ٴبىلدىردى.

ۇلتتىق اسسامبلەيا سپيكەرى استانانىڭ قارقىندى دامىپ كەلە جاتقانىن ايتىپ، قازاقستاندا وتكەن جاھاندىق ٴىس-شارالار – حالىقارالىق «ەكسپو-2017» مامانداندىرىلعان كورمەسى مەن دۇنيەجۇزىلىك xxviii قىسقى ۋنيۆەرسياداعا جوعارى باعا بەردى.

چون سە گيۋن ەكىجاقتى بايلانىستىڭ ستراتەگيالىق سيپاتتا دامىپ كەلە جاتقانىنا توقتالىپ، «قازاقستان-2050» ستراتەگياسىنىڭ ماقساتتارىنا جەتۋ جولىندا كورەيا قازاقستانعا سەرىكتەس بولۋعا دايىن ەكەنىن اتاپ ٴوتتى.

بۇدان بولەك، ۇلتتىق اسسامبلەيا سپيكەرى وتكەن عاسىردىڭ 30-جىلدارىندا قازاقستانعا جەر اۋدارىلعان ەتنيكالىق كارىستەرگە كومەك قولىن سوزىپ، قولداۋ كورسەتكەنى ٴۇشىن ەلىمىزدىڭ حالقىنا العىس ٴبىلدىردى.

سونىمەن قاتار چون سە گيۋن قازاقستان رەسپۋبليكاسى پارلامەنتى ٴماجىلىسىنىڭ سپيكەرى ن.نىعماتۋلينمەن كەزدەسىپ، ەكى ەل پارلامەنتتەرى اراسىنداعى ىنتىماقتاستىق تۋرالى كەلىسىمگە قول قويىلعانىن ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي