BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

نازاربايەۆ باس پروكۋروردى قابىلدادى

فوتو: Ақорда

مەملەكەت باسشىسى نۇرسۇلتان نازاربايەۆ باس پروكۋرور قايرات قوجامجاروۆتى قابىلدادى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

كەزدەسۋ بارىسىندا نۇرسۇلتان نازاربايەۆقا ەلىمىزدەگى قۇقىق قورعاۋ ورگاندارىنىڭ قىزمەتى جانە بۇعان دەيىن جۇكتەلگەن تاپسىرمالاردىڭ ورىندالۋى جونىندە ەسەپ بەرىلدى.

ەلباسى پروكۋراتۋرا ورگاندارىنا ازاماتتار قۇقىقتارىنىڭ، زاڭدى مۇددەلەرىنىڭ ساقتالۋى جانە زاڭنامالاردىڭ ورىندالۋى ٴۇشىن جوعارى قاداعالاۋدى جۇزەگە اسىرۋ مىندەتى قويىلعانىن ايتتى.

«بۇگىندە ەلىمىزدەگى زاڭدىلىقتى قامتاماسىز ەتۋ ٴۇشىن قاجەتتى شارالاردىڭ ٴبارى ىسكە اسىرىلدى. اتاپ ايتقاندا، قۇقىق قورعاۋ ورگاندارى مەن سوت جۇيەسى رەفورمالاندى، ٴتيىستى زاڭدار قابىلداندى، سونىڭ ىشىندە بيزنەستى نەگىزسىز تەكسەرىستەردەن قورعاۋ تۋرالى ماسەلە دە قامتىلدى. سولاردى تەك ساپالى ورىنداۋ قاجەت»، - دەدى قازاقستان پرەزيدەنتى.

نۇرسۇلتان نازاربايەۆ قىلمىستىق زاڭنامانى ىزگىلەندىرۋ جونىندەگى جۇمىستاردى جالعاستىرۋدىڭ ماڭىزدىلىعىن اتاپ ٴوتىپ، قازاقستانداعى سوتتالعاندار سانى 35 پايىزعا ازايعانىن ايتتى.

باس پروكۋرور مەملەكەت باسشىسىنا قىلمىستىق پروسەستى رەفورمالاۋ باعىتىندا اتقارىلىپ جاتقان جۇمىستار جونىندە مالىمدەپ، وسى ٴىس-قيمىلداردىڭ ناتيجەسىندە ەلىمىزدەگى جالپى قىلمىستىق ىستەر وتكەن جىلمەن سالىستىرعاندا 10 پايىزعا كەمىگەنىن اتاپ ٴوتتى.

«پروكۋراتۋرا ورگاندارى تاراپىنان ازاماتتاردىڭ قۇقىقتارى مەن زاڭدى مۇددەلەرىن قورعاۋ ٴۇشىن جۇيەلى شارالار قابىلدانۋدا. بيىلعى التى ايدىڭ ىشىندە ەڭبەك قۇقىقتارىنىڭ ساقتالۋى، جەر قاتىناستارى، تاريفتىك زاڭناما سالالارىنا تەكسەرۋ جۇرگىزىلدى، ناتيجەسىندە ٴۇش ميلليوننان اسا ازاماتتىڭ قۇقىقتارى قورعالىپ، قايتا قالپىنا كەلتىرىلدى»، - دەدى قايرات قوجامجاروۆ.

ەلباسى كەزدەسۋ قورىتىندىسى بويىنشا ٴبىرقاتار ناقتى تاپسىرما بەردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي