BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ماكرون نازاربايەۆقا: سىزبەن تانىسقانىما وتە قۋانىشتىمىن

فوتو: Бауыржан Жуасбаев

استانا، baq.kz. مەملەكەت باسشىسى فرانسيا رەسپۋبليكاسىنىڭ پرەزيدەنتى ەممانيۋەل ماكرونمەن كەزدەستى. بۇل تۋرالى اقوردانىڭ ٴباسپاسوز قىزمەتى حابارلادى.

نۇرسۇلتان نازاربايەۆ «ازيا – ەۋروپا» (اسەم) فورۋمى ٴحىى ٴسامميتىنىڭ اشىلۋ راسىمىنە كەلگەن سوڭ فرانسيا رەسپۋبليكاسىنىڭ پرەزيدەنتى ەممانيۋەل ماكرونمەن كەزدەستى.

مەملەكەت باسشىسى ەكى ەل اراسىندا ديپلوماتيالىق قارىم-قاتىناس ورناعانىنا 26 جىل تولعانىن جانە وسى كەزەڭ ىشىندە قاجەتتى بۇكىل شارتتىق-قۇقىقتىق بازا قالىپتاسقانىن اتاپ ٴوتتى.

– بۇگىنگى كەزدەسۋىمىزدىڭ ارقاسىندا قازاقستان مەن فرانسيا اراسىنداعى بايلانىستار جاڭا دەڭگەيگە كوتەرىلەدى دەپ سەنەمىن. ٴبىزدىڭ ەلىمىزدە فرانسيانىڭ ونداعان كومپانياسى جۇمىس ىستەۋدە، ٴوزارا تاۋار اينالىمىنىڭ كولەمى 5 ميلليارد اقش دوللارىنا جەتۋى مۇمكىن، – دەدى قازاقستان پرەزيدەنتى.

ە.ماكرون نۇرسۇلتان نازاربايەۆقا ٴىلتيپات بىلدىرە وتىرىپ، قازاقستان مەن فرانسيا اراسىنداعى ستراتەگيالىق سەرىكتەستىك تۋرالى شارتتىڭ 10 جىلدىعى قارساڭىنداعى وسى كەزدەسۋدىڭ سيمۆولدىق ٴمانى زور ەكەنىن اتاپ ٴوتتى.

– پرەزيدەنت مىرزا، سىزبەن تانىسقانىما وتە قۋانىشتىمىن. مەن پرەزيدەنتتىك قىزمەتكە كەلگەننەن بەرى العاش رەت جۇزدەسىپ وتىرمىز. سىزبەن ٴبىرقاتار ماسەلەنى تالقىلاپ، كوزقاراسىڭىزدى بىلگىم كەلەدى، – دەدى فرانسيا باسشىسى.

ٴوزارا سەنىم جاعدايىندا وتكەن كەزدەسۋ بارىسىندا تاراپتار ەكى جاقتى قارىم-قاتىناس ماسەلەلەرىن تالقىلاپ، وڭىرلىك جانە حالىقارالىق كۇن تارتىبىندەگى مەيلىنشە وزەكتى پروبلەمالار جونىندە اشىق پىكىر الماستى.

فوتو: باۋىرجان جۋاسبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي