BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

قازاقستان پرەزيدەنتى hotel properties limited نەگىزىن قالاۋشى ونگ بەنگ سەنگپەن كەزدەستى

اڭگىمەلەسۋ بارىسىندا تاراپتار تۋريزم سالاسىنداعى ىنتىماقتاستىق جانە بىرلەسكەن ينۆەستيسيالىق جوبالاردى ىسكە اسىرۋ ماسەلەلەرىن تالقىلادى، دەپ حابارلايدى baq.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

مەملەكەت باسشىسى بۇگىندە قازاقستان مەن سينگاپۋر اراسىنداعى دوستىق ٴارى ارىپتەستىك قارىم-قاتىناستار جوعارى دەڭگەيدە ەكەنىن اتاپ ٴوتتى.

– سينگاپۋرمەن بۇرىننان جاقسى بايلانىسىمىز بار. مەن لي كۋان يۋ مىرزامەن كوپ جىل دوستىق قارىم-قاتىناستا بولدىم. ەلدەرىڭىزدىڭ قازىرگى پرەمەر-مينيسترىمەن دە تىعىز ىنتىماقتاستىقتا جۇمىس ىستەپ كەلەمىز. حالىقارالىق باسقوسۋلاردىڭ بارىندە جۇزدەسىپ، قارىم-قاتىناسىمىزدى ودان ٴارى نىعايتۋ جونىندە اڭگىمەلەسەمىز، – دەدى ەلباسى.

نۇرسۇلتان نازاربايەۆ قازاقستاننىڭ ٴتۋريزمدى دامىتۋعا مۇددەلى ەكەنىن اتاپ ٴوتىپ، استانانىڭ تۋريستىك الەۋەتىن ارتتىرۋ ٴۇشىن اتقارىلىپ جاتقان شارالار جونىندە ايتتى.

– ٴسىز – قوناق ٴۇي بيزنەسىندە تانىمال ادامسىز، الەمنىڭ كوپتەگەن ەلدەرىندە جۇمىس ىستەپ ٴجۇرسىز. استانا – جاڭا ەلوردا. ٴبىز ونى تۋريستىك قالاعا اينالدىرماقپىز. بۇل ٴۇشىن ٴبىز سينگاپۋردىڭ وسى باعىتتا ٴجۇرىپ وتكەن جولىن زەرتتەۋدەمىز، – دەدى مەملەكەت باسشىسى.

ونگ بەنگ سەنگ قازاقستانداعى ٴوزىنىڭ العاشقى جۇمىس تاجىريبەسى جونىندە ايتتى.

سينگاپۋرلىك بيزنەسمەن قازاقستاننىڭ نۇرسۇلتان نازاربايەۆتىڭ باسشىلىعىمەن قارقىندى تۇردە وركەندەپ، دامۋدىڭ جوعارى ناتيجەلەرىنە قول جەتكىزگەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي