BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

قازاقستان پرەزيدەنتى بۇۇ وركەنيەتتەر اليانسىنىڭ جوعارى وكىلى ناسير ٴابدۋلازيز ال-ناسەرمەن كەزدەستى

فوتو: akorda.kz

مەملەكەت باسشىسى سەزگە قاتىسقانى ٴۇشىن ناسير ٴابدۋلازيز ال-ناسەرگە ريزاشىلىق ٴبىلدىرىپ، وركەنيەتتەر اليانسى قازاقستاننىڭ وسى باستاماسىنا تۇراقتى قولداۋ كورسەتىپ كەلە جاتقانىن اتاپ ٴوتتى، دەپ حابارلايدى اقوردا.

«قازاقستان كوپكونفەسسيالى مەملەكەت رەتىندە كونفەسسياارالىق ديالوگتى دامىتۋ ىسىنە ٴوز ۇلەسىن قوسۋدا. بۇل ٴوزىڭىز وكىلدىك ەتەتىن ۇيىمنىڭ ماقساتتارىنا ساي كەلەدى»، - دەدى نۇرسۇلتان نازاربايەۆ.

وركەنيەتتەر اليانسىنىڭ جوعارى وكىلى فورۋمعا قاتىسۋعا مۇمكىندىك بەرىلگەنى ٴۇشىن مەملەكەت باسشىسىنا العىس ايتىپ، قازاقستاننىڭ الەمدەگى مادەنيەتتەر اراسىنداعى ٴوزارا تۇسىنىستىكتى دامىتۋ ىسىندەگى ٴرولى ايرىقشا ەكەنىن اتاپ ٴوتتى.

«مەن الەمدىك جانە ٴداستۇرلى دىندەر كوشباسشىلارىنىڭ سەزىنە ٴۇشىنشى رەت قاتىسىپ وتىرمىن. بۇعان دەيىن مەن ەشقاشان وسىنشاما ٴدىن وكىلدەرىمەن كەزدەسكەن ەمەسپىن. ەلدەرىڭىزدىڭ وركەنيەتارالىق ديالوگتى دامىتۋ جولىنداعى كۇش-جىگەرىن جوعارى باعالايمىن»، - دەدى ناسير ٴابدۋلازيز ال-ناسەر.

كەزدەسۋ بارىسىندا قازاقستان پرەزيدەنتى حالىقتار اراسىنداعى بەيبىتشىلىكتى، دوستىق پەن ىنتىماقتاستىقتى نىعايتۋعا جانە قوعامداعى ٴوزارا كەلىسىمدى ساقتاۋعا قوسقان ۇلەسى ٴۇشىن ناسير ٴابدۋلازيز ال-ناسەردى ٴىى دارەجەلى «دوستىق» وردەنىمەن ماراپاتتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي