BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

قازاقستان قىتايدان قىسىم كورىپ وتىرعان جوق – نازاربايەۆ

فوتو: Бауыржан Жуасбаев

استانا، baq.kz ٴتىلشىسى. بۇگىن ەلوردادا قازاقستان پرەزيدەنتى نۇرسۇلتان نازاربايەۆ «استانا كلۋبىنىڭ» ٴتورتىنشى وتىرىسىنا قاتىستى. ەلباسى قىتايدىڭ ويىندا باسقا تەرريتوريالارعا شابۋىل جاساۋ جوق ەكەنىن ايتتى.

«ٴبىز قازاقستاندا ەكى ۇلى كورشىنىڭ ورتاسىندا تۇرامىز. ٴبىر جاعىندا - رەسەي، ەكىنشى جاعىندا - قىتاي. قازاقستان كورشىلەرىمەن ٴتاتۋ-تاتتى ٴومىر سۇرەدى. ٴبىزدىڭ رەسەي فەدەراسياسىمەن قارىم-قاتىناسىمىز جوعارى دەڭگەيدە، قىتايمەن دە قاتانىسامىز جاقسى»، - دەدى نۇرسۇلتان نازاربايەۆ.

ەلباسىنىڭ ايتۋىنشا، قازاقستان قىتايدىڭ ەڭ جاقىن كورشىسى بولا تۇرا ەشقانداي قىسىم كورىپ وتىرعان جوق.

«ٴبىزدىڭ 1700 شاقىرىم شەكارامىز بار. جانە دە ٴبىز ەشقانداي شابۋىل، ەشقانداي قىسىم، ەشقانداي پاتەرناليزم مەن تاعى باسقاسىن سەزىپ وتىرعان جوقپىز. قىتايدا ىشكى پروبلەمالار – جۇمىسسىزدىق، كوشى-قون مەن وزگە دە ماسەلەلەر جەتكىلىكتى. مەن قىتاي ٴتوراعاسى سي سزينپينمەن ٴجيى كەزدەسەمىن، ٴبىز وسى تاقىرىپتاردا اشىق سويلەسەمىز. قىتايدىڭ باسقا ەل تەرريتوريالارىنا شابۋىل جاساۋ تۋرالى، ەكسپانسيا جايلى ويى جوق. كەرىسىنشە، ولارعا ەل ىشىندەگى جاعدايدى دۇرىستاۋ ٴۇشىن دامۋ ٴارى تىنىش ٴومىر قاجەت. سونداي-اق، مەملەكەتىندە تەحنولوگيالىق دامۋدى رەتكە كەلتىرۋ كەرەك»، - دەدى نازاربايەۆ.

مەملەكەت باسشىسىنىڭ ايتۋىنشا، قىتاي جاھاندانۋ يدەياسى مەن بىرلەسىپ دامۋدى بەلسەندى قولدايدى. ماسەلەن، «جىبەك جولى» باعدارلاماسىندا جاھاندانۋ دامىپ كەلەدى. بۇل باعدارلاماعا الەمنىڭ 60-تان استام مەملەكەتى قاتىسادى.

«قىتايدا ەلدەرگە دامۋعا كومەكتەسەتىن قاراجات بار. بۇدان جاۋلاپ الۋ ٴقاۋپىن كورۋ؟ مەن بۇنى كورىپ وتىرعان جوقپىن»، - دەدى نۇرسۇلتان نازاربايەۆ.

بۇعان دەيىن مەملەكەت باسشىسى اقش پەن قىتاي اراسىنداعى ساۋدا سوعىسى دامۋشى ەلدەرگە قالاي اسەر ەتەتىنىن ايتقان بولاتىن. سونداي-اق، الەمدە سوعىسقا جول بەرمەۋگە شاقىرعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي