BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

حورۆاتيادا قازاقستان پرەزيدەنتىنىڭ الەۋمەتتىك باستامالارىن قۇپتايدى

2018 جىلى 12 ناۋرىزدا زاگرەب قالاسىندا قازاقستاننىڭ ەلشىسى تولەجان بارلىبايەۆ حورۆاتيانىڭ سىرتقى جانە ەۋروپالىق ىستەرى ٴمينيسترىنىڭ ورىنباسارى امير مۋحارەميمەن كەزدەستى، دەپ حابارلايدى baq.kz اقپارات اگەنتتىگى.

سۇحبات بارىسىندا ەلشى حورۆات تاراپىن پرەزيدەنت نۇرسۇلتان نازاربايەۆتىڭ بەس الەۋمەتتىك باستاماسى تۋرالى حابارلادى. الەمدىك كۇيزەلىستەر مەن وزگەرىستەردىڭ داۋىرىندە الەۋمەتتىك مەملەكەت قۇندىلىقتارى، الەۋمەتتىك ادىلەتتىلىك جانە جاۋاپكەرشىلىك پرينسيپتەرى قازاقستان باسشىلىعىنىڭ وزگەرمەيتىن باسىمدىق بولىپ قالا بەرەدى دەپ اتاپ ٴوتىلدى.

حورۆات ٴمينيسترى ەلباسىنىڭ الەۋمەتتىك باستامالارىن قۇپتادى. ونىڭ باعالاۋىنشا، اۋقىمدى الەۋمەتتىك باعدارلاماردى جۇزەگە اسىرۋ ەكى ەل اراسىنداعى ىسكەرلىك ىنتىماقتاستىققا قولايلى جاعداي جاسايدى. اتاپ ايتقاندا، حورۆات تاراپى الدىڭعى قاتارلى تەحنولوگيالاردى قولدانا وتىرىپ، حالىق ٴۇشىن قولجەتىمدى تۇرعىن ٴۇي قۇرىلىسىنا قاتىستى ٴبىرىنشى پرەزيدەنتتىك باستامانى ىسكە اسىرۋعا جاردەمدەسۋگە دايىندىعىن ٴبىلدىردى. ديپلومات جوعارى ٴبىلىم ساپاسىن ارتتىرۋ جانە ستۋدەنتتىك جاستاردىڭ ٴومىر ٴسۇرۋ جاعدايلارىن جاقسارتۋ ماقساتىندا ٴۇشىنشى پرەزيدەنتتىك باستامانى جۇزەگە اسىرۋدا ىنتىماقتاستىقتىڭ كەڭ مۇمكىندىكتەرىن اتاپ ٴوتتى. ا.مۋحارەميدىڭ ايتۋىنشا، قازاقستان پرەزيدەنتى نۇرسۇلتان نازاربايەۆ اۋقىمدى رەفورمالاردى جۇرگىزۋگە جانە ٴاربىر قازاقستاندىقتىڭ ٴومىر ٴسۇرۋ دەڭگەيىن جاقسارتۋعا باعىتتالعان الەۋمەتتىك ساياساتتى مودەرنيزاسيالاۋعا دانا جانە كورەگەن كوزقاراس كورسەتتى.

كەزدەسۋ بارىسىندا حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماسۋ بولىپ ٴوتتى. ەلشى قازاقستاننىڭ يادرولىق قارۋعا تىيىم سالۋ تۋرالى شارتقا (رساا) قول قويعانى، 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قىزمەتى، سيريا بويىنشا استانا پروسەسى جانە باسقا دا ماڭىزدى ماسەلەلەر تۋرالى حابارلادى. ەكى ەل اراسىنداعى بۇۇ، ەقىۇ جانە باسقا دا حالىقارالىق ۇيىمدار اياسىنداعى ىنتىماقتاستىق مۇمكىندىكتەرى تالقىلاندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي