BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ەلباسى سەربيا پرەزيدەنتىمەن كەزدەستى

فوتو: Бауыржан Жуасбаев

اقوردادا قازاقستان پرەزيدەنتى نۇرسۇلتان نازاربايەۆ سەربيا پرەزيدەنتى الەكساندر ۆۋچيچپەن كەزدەستى، دەپ حابارلايدى baq.kz ٴتىلشىسى.

ەكى ەلدىڭ پرەزيدەنتى كەزدەسۋ بارىسىندا قازاقستاندىق-سەربيالىق قارىم-قاتىناستاردىڭ كەلەشەگى مەن قازىرگى جايىن تالقىلادى.

«سىزبەن كەزدەسكەنىمىزگە وتە قۋانىشتىمىن. ٴسىزدىڭ قازاقستانعا جانە ماعان قانداي قۇرمەتپەن قارايتىنىڭىزدى بىلەمىن. مەن ونى ٴسىزدىڭ ەلىڭىزگە مەملەكەتتىك ساپارمەن بارعاندا بايقادىم. قىسقا ۋاقىت ارالىعىندا سىزبەن ٴتورتىنشى رەت كەزدەسىپ وتىرمىز. سونداي-اق ٴسىز ٴبىزدى «ەكسپو-2017» حالىقارالىق كورمەسىن وتكىزگەندە قولدادىڭىز. وسىندا بولىپ، كورمەنى تاماشالادىڭىز. قازىرگى تاڭدا قازاقستانعا رەسمي ساپارمەن كەلىپ، الەمدىك جانە ٴداستۇرلى دىندەر كوشباسشىلارىنىڭ سەزىنە قاتىسقالى وتىرسىز. بۇل ٴسىزدىڭ ەلىمىزگە دەگەن قۇرمەتىن كورسەتەدى. ٴبىز ونى قاتتى قادىرلەيمىز»، - دەدى ەلباسى سەربيا پرەزيدەنتى.

سونداي-اق نازاربايەۆ قازاقستان مەن سەربيا اراسىنداعى ساۋدا-ەكونوميكالىق بايلانىستى كۇشەيتۋ قاجەت ەكەنىن اتاپ ٴوتتى.

«وكىنىشكە قاراي، ەكى مەملەكەت اراسىنداعى تاۋار اينالامىنىڭ كولەمى جوعارى ەمەس. ٴبىراق مەملەكەتتەرىمىزدىڭ لوگيستيكا، ترانسپورت، قورعانىس ونەركاسىبى، اۋىل شارۋاشىلىعى، فارماسەۆتيكا، قۇرىلىس سالالارىندا بولاشاعى زور. ٴسىزدىڭ ەلىمىزگە ساپارىڭىز مەملەكەتتەرىمىز اراسىنداعى بايلانىستى ودان ٴارى دامىتا تۇسەدى دەگەن ويدامىن. سونداي-اق بۇگىن قوس ەل اراسىندا بيزنەس فورۋم وتەدى. وندا ٴتيىستى قۇجاتتارعا قول قويىلادى»، - دەدى مەملەكەت باسشىسى.

وسى ورايدا ەلباسى سەربيا پرەزيدەنتىن تاعى دا ٴبىرقاتار ماڭىزدى كەزدەسۋلەر كۇتىپ تۇرعانىن اتاپ ٴوتىپ، قوس مەملەكەت اراسىندا ارنايى جوبالار بويىنشا جۇمىس جۇرگىزىلەتىنىن جەتكىزدى.

«ٴسىز قازاقستاننىڭ پرەمەر-مينيسترىمەن كەزدەسەسىز. سونداي-اق بۇگىن ٴبىز قالامىزداعى ٴىرى شاعىن اۋداندا تاس قويۋ راسىمىنە قاتىسامىز. مەن بۇل جوبانىڭ تابىستى بولۋىن ٴوزىم قاداعالايمىن. مەملەكەتتەرىمىز اراسىنداعى بايلانىستى نىعايتاتىن وسىنداي جوبالار قاجەت. قازاقستاندىقتار دا سەربياداعى ينۆەستيسيالىق جوبالارعا قاتىسۋعا دايىن»، - دەپ تۇيىندەدى ٴسوزىن نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي