BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەلباسى قايرات كەلىمبەتوۆتى قابىلدادى

ەلباسى «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆتى قابىلدادى، دەپ حابارلايدى اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

كەزدەسۋ بارىسىندا مەملەكەت باسشىسىنا «استانا» حالىقارالىق قارجى ورتالىعىنىڭ قالىپتاسۋ بارىسى جونىندە مالىمدەلدى.

نۇرسۇلتان نازاربايەۆ قازىرگى ۋاقىتتا بۇل قارجى قۇرىلىمىنىڭ ٴتيىمدى جۇمىسىن قامتاماسىز ەتۋ ٴۇشىن قاجەتتى بارلىق قۇقىقتىق جانە ۇيىمداستىرۋشىلىق بازا جاساقتالعانىن اتاپ ٴوتتى.

«استانا» حالىقارالىق قارجى ورتالىعىنىڭ باسقارۋشىسى قازاقستان پرەزيدەنتىنىڭ اقش پەن قىتايعا بيىلعى رەسمي ساپارلارى بارىسىندا قول جەتكىزىلگەن ۋاعدالاستىقتاردى ىسكە اسىرۋ جونىندەگى جۇمىستاردىڭ ناتيجەلەرى تۋرالى باياندادى.

ق.كەلىمبەتوۆتىڭ ايتۋى بويىنشا، «استانا» حالىقارالىق قارجى ورتالىعى جۇمىسقا كىرىسكەن كەزدەن بەرى ٴوزىن حالىقارالىق ارەنادا تانىتىپ ۇلگەردى. حالىقارالىق رەيتينگ اگەنتتىكتەرىنىڭ مالىمەتتەرىنە سايكەس، بۇل ورتالىق الەمدىك 100 قارجى ورتالىعىنىڭ ىشىندە 61-ورىنعا، شىعىس ەۋروپا مەن ورتالىق ازيا ٴوڭىرى بويىنشا 2-ورىنعا يە بولىپ وتىر.

سونداي-اق، كەزدەسۋدە مەملەكەت باسشىسىنا جەكەشەلەندىرۋ جانە قازاقستان كومپانيالارىنىڭ اكسيالارىن ipo-عا شىعارۋ ۇدەرىسىندە «استانا» حالىقارالىق قارجى ورتالىعى بيرجاسىنىڭ مۇمكىندىكتەرىنىڭ پايدالانىلۋى جونىندە مالىمدەلدى.

ەلباسى كەزدەسۋ قورىتىندىسى بويىنشا ٴبىرقاتار ناقتى تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي