BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

ەلباسى استاناداعى كوشەلەردىڭ ٴبىرىن تاجىكتىڭ ويشىل-اقىنى ەسىمىمەن اتاۋعا تاپسىرما بەردى

فوتو: sputnik-georgia.ru

ەلباسى ٴابۋ ابدۋللاح جافار رۋداكي اتىندا بەرىلەتىن كوشە قازاقستانعا كەلگەن ەمومالي راحمون ٴۇشىن ەستە قالارلىق جاڭالىق بولاتىنىن ايتتى، دەپ حابارلايدى baq.kz اقپارات اگەنتتىگى bnews.kz سايتىنا سىلتەمە جاساپ.

«ٴبىزدىڭ حالىقتارىمىز اراسىنداعى قارىم-قاتىناستى نىعايتۋدىڭ بەلگىسى رەتىندە مەن استانا كوشەلەرىنىڭ ٴبىرىن تاجىكستاننىڭ ۇلى اقىن-فيلوسوفى رۋداكيدىڭ ەسىمىمەن اتاۋدى دۇرىس دەپ شەشتىم. بۇل جاڭالىق تاجىكستان پرەزيدەنتىنىڭ بيىل ەلگە كەلۋىندەگى ەستەلىك رەتىندە قازاقستان مەن تاجىكستان اراسىنداعى جارقىن نىشان بولىپ قالاتىنىنا سەنەمىن»، - دەيدى ەلباسى.

سونداي-اق، نازاربايەۆ ەكى ەلدىڭ ىنتىماقتاستىعىنىڭ دامۋىندا قازاقستاندا ۇلتتىق مادەني ورتالىقتارى بار تاجىك دياسپوراسى ۇلكەن ٴرول اتقاراتىنىن ايتتى.

«ٴبىزدىڭ تىعىز قارىم-قاتىناسىمىزدى قولداۋ ماقساتىندا مادەني-گۋمانيتارلى سالاداعى ارىپتەستىكتى جۇزەگە اسىرامىز دەپ شەشتىك. جالپى العاندا ەكى ەل اراسىندا 80 كەلىسىم-شارت پەن قۇجاتتاردان تۇراتىن قۇقىقتىق بازا قۇرىلدى. تاجىكستان رەسپۋبليكاسى پرەزيدەنتىمەن جاساعان كەلىسىم-شارت ناتيجەسىنە كوڭىلىم تولادى. بۇل ساپار ٴبىزدىڭ قارىم-قاتىناسىمىزعا جاڭا قارقىن سىيلاپ، قازاق جانە تاجىك حالقى ٴۇشىن پايدالى بولاتىنىنا سەنەمىن»، - دەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي