BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ٴقازىر بىزگە ٴدال وسىنداي ادام كەرەك – نازاربايەۆ يسەكەشەۆ تۋرالى

فوتو: Ақорда

نازاربايەۆ پرەزيدەنت اكىمشىلىگىنىڭ باسشىلىق قۇرامىمەن كەڭەس وتكىزدى، دەپ حابارلايدى اقوردانىڭ ٴباسپاسوز قىزمەتى.

كەڭەس بارىسىندا نۇرسۇلتان نازاربايەۆ ادىلبەك جاقسىبەكوۆكە پرەزيدەنت اكىمشىلىگىنىڭ باسشىسى رەتىندە جانە باسقا دا مەملەكەتتىك لاۋازىمداردا اتقارعان جۇمىستارى ٴۇشىن العىس ٴبىلدىردى. سونىمەن قاتار ونىڭ قازاقستان رەسپۋبليكاسىنىڭ قۇرىلۋى مەن مەملەكەت رەتىندە دامۋىنا ەرەكشە ۇلەس قوسقانىن ەرەكشە اتاپ ٴوتتى.

«سىزدەر بارلىعىڭىز بىرنەشە جىلدان بەرى مەنىڭ قاسىمدا جۇرگەن ادىلبەك رىسكەلدى ۇلىن بىلەسىزدەر. ول ەلوردانىڭ العاشقى اكىمى بولدى، بارلىق لاۋازىمدا جاۋاپكەرشىلىكپەن جانە ادال قىزمەت ەتتى. وعان زور دەنساۋلىق پەن تابىس تىلەيمىن»، - دەدى قازاقستان پرەزيدەنتى.

مەملەكەت باسشىسى كەڭەس مۇشەلەرىنە پرەزيدەنت اكىمشىلىگىنىڭ جاڭا باسشىسىن تانىستىردى.

«اسەت ورەنتاي ۇلى مەنىڭ كومەكشىم بولدى، مينيستر، پرەمەر-مينيستردىڭ ورىنباسارى لاۋازىمىن اتقاردى. ەلىمىزدىڭ باستى قالاسىندا ەكى جارىم جىل جۇمىس ىستەي وتىرىپ، استانالىقتاردىڭ وڭ باعاسىن الدى. ونىڭ ەرەكشەلىگى – بەلسەندى پوزيسيادا بولۋى جانە كرەاتيۆتىلىگى. ٴقازىر بىزگە ٴدال وسىنداي ادام كەرەك. ول ەلوردا اكىمى بولعاندا ٴبىز «ەكسپو-2017» مەن استانانىڭ 20 جىلدىعىن لايىقتى تۇردە اتاپ وتتىك. اسەت ورەنتاي ۇلى بۇل مىندەتتى اتقارا الاتىنىنا سەنىمدىمىن»، - دەدى نۇرسۇلتان نازاربايەۆ.

ٴسوز سوڭىندا مەملەكەت باسشىسى بۇدان ٴارى حالىقتىڭ ەكونوميكالىق ٴوسىمى مەن حال-جاعدايىنىڭ جاقسارۋىنداعى پرەزيدەنت اكىمشىلىگىنىڭ ماڭىزدى ٴرول اتقاراتىنىنا اسا ٴمان بەردى. سونداي-اق الداعى كەزەڭدەگى قىزمەتىنىڭ نەگىزگى باسىمدىقتارىن اتادى.

«اپپارات الدىندا ماڭىزدى تاپسىرما – بۇعان دەيىنگى قابىلدانعان مەملەكەتتىك باعدارلامالاردىڭ ساپالى ورىندالۋىنا كومەكتەسۋ جانە ولاردىڭ ورىندالۋىن باقىلاۋ. ٴقازىر جۇمىس وڭىرلىك دەڭگەيگە ٴوتىپ جاتقانىن ايرىقشا اتاعىم كەلەدى. بارلىق دەڭگەيدەگى اكىمدىكتەردىڭ جۇمىسىن ٴتيىستى تۇردە ۇيلەستىرىپ، ولارعا كومەكتەسۋ جانە جابىلىپ ارەكەت ەتۋ كەرەك»، - دەپ تاپسىردى نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي