BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

«بەس الەۋمەتتىك باستامانىڭ» ىسكە اسىرىلۋ بارىسىن زەرتتەۋ قاجەت — نازاربايەۆ

كەزدەسۋ بارىسىندا مەملەكەت باسشىسىنا 2017 جىلدىڭ قورىتىندىلارى بويىنشا ەكونوميكالىق دامۋ كورسەتكىشتەرىنە جاسالعان تالداۋ ناتيجەلەرى جونىندە مالىمدەلىپ، مينيسترلىكتىڭ قىزمەتى تۋرالى ەسەپ بەرىلدى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

نۇرسۇلتان نازاربايەۆ مەملەكەتتىك باعدارلامالاردى ازىرلەۋ جانە ىسكە اسىرۋ بارىسىندا ستراتەگيالىق جوسپارلاۋ مەن بولجام جاساۋدىڭ ماڭىزدىلىعىن اتاپ ٴوتتى.

– بارلىق شارالار قازاقستان ەكونوميكاسىن دامىتۋ ٴۇشىن جۇزەگە اسىرىلۋعا ٴتيىس. مەملەكەتتىك باعدارلامالاردىڭ، سونىڭ ىشىندە «بەس الەۋمەتتىك باستامانىڭ» ىسكە اسىرىلۋ بارىسىن زەرتتەۋ قاجەت. ۇلتتىق ەكونوميكا مينيسترلىگى ورتالىق جانە وڭىرلىك دەڭگەيدەگى بارلىق مەملەكەتتىك ورگانداردىڭ قادامدارىن ايقىنداۋى كەرەك، – دەدى قازاقستان پرەزيدەنتى.

تيمۋر سۇلەيمەنوۆ مەملەكەت باسشىسىنا بيىلعى ٴبىرىنشى توقساندا قول جەتكىزىلگەن ەكونوميكالىق دامۋ ناتيجەلەرى جانە ەكونوميكامىزعا جالپى الەمدىك ۇدەرىستەردىڭ تيگىزىپ وتىرعان اسەرى جونىندە باياندادى.

كەزدەسۋ سوڭىندا ەلباسى ٴبىرقاتار ناقتى تاپسىرما بەردى، سونىڭ ىشىندە قازاقستاننىڭ ەكسپورتتىق جانە ترانزيتتىك الەۋەتىن ودان ٴارى دامىتۋ، مەملەكەتتىك جانە سالالىق باعدارلامالاردى ٴارى قاراي ىسكە اسىرۋ جونىندە ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي