USD 335.71 EUR 357.36 RUB 5.23
استانا:

ب.اتامقۇلوۆ ەلباسىعا اەروعارىش سالاسىن دامىتۋدىڭ پەرسپەكتيۆاسى تۋرالى باياندادى

مەملەكەت باسشىسى نۇرسۇلتان نازاربايەۆ قورعانىس جانە اەروعارىش ونەركاسىبى ٴمينيسترى بەيبىت اتامقۇلوۆتى قابىلدادى، دەپ حابارلايدى اقوردانىڭ ٴباسپاسوز قىزمەتى facebook-تەگى پاراقشاسىندا.

كەزدەسۋ بارىسىندا ەلباسى جاڭا مينيسترلىكتىڭ الدىنا قويىلعان مىندەتتەردىڭ ماڭىزدىلىعىنا توقتالىپ ٴوتتى.

اتاپ ايتقاندا، نۇرسۇلتان نازاربايەۆ جاڭا تەحنولوگيانى قولدانۋ ارقىلى وندىرىلەتىن قورعانىس جانە اەروعارىش ونەركاسىبى ونىمىنە دەگەن سۇرانىستى قامتاماسىز ەتۋ ٴۇشىن وتاندىق كاسىپورىندار ٴوز مۇمكىندىكتەرىن بارىنشا پايدالانۋ قاجەتتىگىنە نازار اۋداردى.

ب.اتامقۇلوۆ مينيسترلىكتە جۇرگىزىلىپ جاتقان كەشەندى ۇيىمداستىرۋشىلىق ٴىس-شارالاردىڭ اياقتالۋعا تاياعانى جونىندە حاباردار ەتتى.

سونداي-اق، قورعانىس جانە اەروعارىش ونەركاسىبى ٴمينيسترى مەملەكەت باسشىسىنا ازاماتتىق سالادا قولدانۋعا جارامدى ٴونىم شىعارۋعا مۋلتيپليكاتيۆتىك اسەر بەرەتىن اەروعارىش سالاسىن دامىتۋدىڭ، قورعانىس كەشەنىنىڭ ٴوندىرىس قۋاتىن ارتتىرۋدىڭ پەرسپەكتيۆاسى تۋرالى باياندادى.

نۇرسۇلتان نازاربايەۆ كەزدەسۋ قورىتىندىسى بويىنشا ٴبىرقاتار ناقتى تاپسىرما بەردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي