BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

ازەربايجاندا «نۇرسۇلتان نازاربايەۆ. ٴومىربايان» كىتابىنىڭ تانىستىرىلىمى ٴوتتى

2018 جىلعى 13 ماۋسىمدا ازەربايجان رەسپۋبليكاسىنىڭ استاناسى باكۋ قالاسىندا ماحمۇت قاسىمبەكوۆتىڭ ازەربايجان تىلىندە جارىق كورگەن «نۇرسۇلتان نازاربايەۆ. ٴومىربايان» اتتى كىتاپتىڭ تانىستىرىلىمى ٴوتتى، دەپ حابارلايدى baq.kz اقپارات اگەنتتىگى.

سالتاناتتى ٴىس-شارا الداعى قازاقستان استاناسىنىڭ 20 جىلدىعىنا ارنالعان.

تانىستىرىلىمداعى قازاقستاننىڭ وكىلەتتى دەلەگاسيا قۇرامىندا كىتاپتىڭ اۆتورى قر پرەزيدەنتى كەڭسەسىنىڭ باستىعى، قر تۇڭعىش پرەزيدەنتى – ەلباسىنىڭ كىتاپحاناسى ديرەكتورىنىڭ مىندەتىن اتقارۋشى ماحمۇت قاسىمبەكوۆ; قر مادەنيەت جانە سپورت ٴمينيسترى ارىستانبەك مۇحامەدي ۇلى; قر ازەربايجان رەسپۋبليكاسىنداعى توتەنشە جانە وكىلەتتى ەلشىسى بەيبىت يسابايەۆ; حالىقارالىق تۇركى اكادەمياسىنىڭ پرەزيدەنتى، «ەگەمەن قازاقستان» رەسپۋبليكالىق گازەتىنىڭ باسقارما ٴتوراعاسى دارحان ٴقىدىرالى; ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ جانە تاعى باسقالار قاتىستى.

ازەربايجان رەسپۋبليكاسىنىڭ پرەزيدەنتى يلحام اليەۆ كىتاپتىڭ تۇساۋكەسەر ٴراسىمىنىڭ قارساڭىندا قازاقستاندىق دەلەگاسيانى قابىلدادى. دەلەگاسيا مۇشەلەرى ازەربايجان باسشىسىنا ۇيىمداستىرىلعان قابىلداۋى ٴۇشىن العىس ايتىپ، ٴوز تاراپىنان يلحام اليەۆتى پرەزيدەنت لاۋازىمىنا قايتا سايلانۋىمەن، سونداي-اق ازەربايجان دەموكراتيالىق رەسپۋبليكاسىنىڭ 100-جىلدىعىمەن جانە گەيدار اليەۆتىڭ 95 جىلدىعىمەن قۇتتىقتادى.

تۇساۋكەسەر ٴراسىمى ازەربايجاننىڭ جەتەكشى عىلىمي جانە مادەني-بىلىم بەرۋ ورتالىقتارىنىڭ ٴبىرى – گەيدار اليەۆ ورتالىعىندا ٴوتتى. ول 2006 جىلى ازەربايجان حالقىنىڭ ۇلتتىق كوشباسشىسى گەيدار اليەۆتىڭ يدەولوگياسى مەن مەملەكەت قۇرىلىسىنىڭ فيلوسوفياسىن ىرگەلى زەرتتەۋ ٴۇشىن، سونىمەن بىرگە ازەربايجان ٴتىلىن، مادەني، ۇلتتىق جانە رۋحاني قۇندىلىقتارىن جان-جاقتى دامىتۋ ماقساتىمەن قۇرىلعان.

تۇساۋ كەسەر راسىمىندە ازەربايجان رەسپۋبليكاسى پرەزيدەنتىنىڭ كومەكشىسى ٴالي گاسانوۆ، ازەربايجان عىلىم اكادەمياسىنىڭ پرەزيدەنتى اكيف اليزادە، ازەربايجان ميللي ٴماجىلىسىنىڭ دەپۋتاتى دجاۆانشير فەيزيەۆ، گەيدار اليەۆ ورتالىعىنىڭ ديرەكتورى انار الاكباروۆ، كىتاپ اۋدارماشىسى ايدا ەيۆازوۆا، شەتەلدىك ديپلوماتتار، مادەنيەت جانە عىلىم وكىلدەرى، ساراپشىلار، جۋرناليستەر، ستۋدەنتتەر قاتىستى.

قازاقستاننىڭ كوشباسشىسى تۋرالى جازىلعان ٴومىرباياندىق كىتابى تىڭداۋشىلارمەن جىلى جۇزبەن باعالاندى. ٴىس-شارا قاتىسۋشىلارىنىڭ ورتاق پىكىرى بويىنشا، كىتاپتىڭ ازەربايجان تىلىندەگى باسىلىمى ەكى ەل اراسىنداعى رۋحاني-مادەني بايلانىستاردىڭ نىعايتۋىنا لايىقتى ۇلەس قوسادى.

وسى كىتاپ 11 شەتەلدىك باسىلىمى رەتىندە شىقتى. وسىعان دەيىن ول اعىلشىن، نەمىس، فرانسۋز، قىتاي، اراب، ۆەنگر، تۇرىك، داري، سەرب، كارىس تىلدەرىندە شىققان. كىتاپ گەيدار اليەۆ ورتالىعى، قازاقستان رەسپۋبليكاسىنىڭ تۇڭعىش پرەزيدەنتىنىڭ كىتاپحاناسى جانە حالىقارالىق تۇركى اكادەمياسى اراسىنداعى ىنتىماقتاستىعىنىڭ ارقاسىندا شىعارىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي