BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

«استانا» حالىقارالىق قارجى ورتالىعى ەلوردا رەيتينگىن كوتەردى – نازاربايەۆ

استانا، baq.kz ٴتىلشىسى. بۇگىن قازاقستان پرەزيدەنتى نۇرسۇلتان نازاربايەۆ «استانا» حالىقارالىق قارجى ورتالىعىنىڭ (احقو) بيرجاسىندا ساۋدا-ساتتىقتى رەسمي تۇردە ىسكە قوستى. «قازاتومونەركاسىپ» اكسيالارىن ساتۋ باستالدى.


«قازاقستان الەمدە ۋران ٴوندىرىسى بويىنشا ٴبىرىنشى ورىندا. ٴقازىر قازاقستان ۇلەسىنە الەمدىك ۋران نارىعىنىڭ 20 پايىزى تيەسىلى. سوندىقتان دۇنيەجۇزىندە وسى كومپانيا اكسيالارىنا قىزىعۋشىلىق جوعارى جانە سۇرانىس تەك ارتا بەرەدى. ودان كەيىن ٴبىز «قازاقتەلەكوم»، «ەير استانا»، «قازاقمۇنايگاز» بەن باسقا ۇلتتىق كومپانيالار سياقتى اكتيۆتەردى ساۋدا-ساتتىققا شىعارۋدى جوسپارلاپ وتىرمىز. احقو شەتەلدىك كاپيتال تارتۋدىڭ كاتاليزاتورىنا اينالۋى ٴتيىس جانە قور نارىعىن جاڭا دامۋ دەڭگەيىنە شىعارۋى كەرەك. بۇندا ۇزدىك الەمدىك تاجىريبە بەلسەندى تۇردە قولدانىلادى. جەتەكشى سەرىكتەستەر مەن ساراپشىلار تارتىلعان جانە قاتىسۋشىلار ٴۇشىن تەڭدەسسىز جاعدايلار جاسالعان. بولاشاقتا ول ايماقتىڭ باستى قارجى حابىنا اينالۋى ٴتيىس. سونداي-اق، ازيانىڭ جەتەكشى قارجىلىق ورتالىقتارىنىڭ قاتارىنا ەنۋى كەرەك. وسىلايشا، ول ٴبىزدىڭ ايماق ارقىلى دامىپ جاتقان «جىبەك جولى»، «ٴبىر بەلدەۋ- ٴبىر جولعا» دا قىزمەت كورسەتە الادى. ٴقازىردىڭ وزىندە ورتالىق استاناعا «قارجى ورتالىعى» دەگەن جاڭا ستاتۋس بەردى. بۇل ەلوردا رەيتينگىن ٴبىرشاما كوتەردى. وسىلايشا، قالا سوڭعى جىلدا عانا عالامدىق قارجى ورتالىقتارى رەيتينگىندە 27 پوزيسياعا كوتەرىلدى. جالپى، استانا «اقىلدى قالا» رەتىندە ودان ٴارى دە دامي بەرەدى»، - دەدى نۇرسۇلتان نازاربايەۆ.

بۇگىن ەلباسى «استانا» حالىقارالىق قارجى ورتالىعى بيرجاسىندا ساۋدا-ساتتىقتى ىسكە قوسىپ، احقو-نىڭ قالاي قۇرىلعانىن ايتىپ بەرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي