BAQ.kz - Қазақстан жаңалықтары USD 361.15 BAQ.kz - Қазақстан жаңалықтары EUR 414.71 BAQ.kz - Қазақстан жаңалықтары RUB 5.53
استانا:

اقتاۋ قازاقستاننىڭ انتالياسىنا اينالادى – نازاربايەۆ

فوتو: Ақорда

بۇگىن ەلباسى اقتاۋ قالاسىنا رەسمي ساپارى بارىسىندا «tree of life» دەمالىس ورنىن ارالاپ كوردى، دەپ حابارلايدى اقوردانىڭ ٴباسپاسوز قىزمەتى.

قازاقستان پرەزيدەنتى جاعاجايى، باسسەيندى اكۆاپاركى جانە قوناق ٴۇي كەشەنى بار دەمالىس ورنىنىڭ جۇمىسىمەن تانىستى.

نۇرسۇلتان نازاربايەۆ تۋريستەرمەن اڭگىمەلەسۋ بارىسىندا كاسپيي شيپاجايلارىندا دەمالۋدىڭ ارتىقشىلىقتارىن، سونىڭ ىشىندە باعانىڭ قول جەتىمدىلىگىن، سۋعا شومىلۋ ماۋسىمىنىڭ ۇزاقتىعىن، اقتاۋ قالاسى ينفراقۇرىلىمىنىڭ جاقىندىعىن، قوناق ٴۇي سانىنىڭ كوپتىگىن اتاپ ٴوتتى.

– مەن بۇعان دەيىن الاكولدە، بالقاشتا، بۋرابايدا بولدىم. بۇل دەمالىس ايماعى وتاندىق ٴتۋريزمدى دامىتۋ ٴۇشىن جاڭا مۇمكىندىكتەر بەرەدى. ٴبىز وسى سالانى ىلگەرىلەتۋدى جوسپارلاپ وتىرمىز. اقتاۋ قالاسى كەلەشەكتە قازاقستاننىڭ انتالياسىنا اينالاتىن بولادى، – دەدى مەملەكەت باسشىسى.

***

ٴبىر ماۋسىمدا 140 مىڭعا جۋىق ادامدى قابىلداۋعا مۇمكىندىگى بار دەمالىس ايماعى 5،7 گەكتاردى قامتيدى. اقتاۋ قالاسىنان 25 شاقىرىم جەردە ورنالاسقان. تۋريستىك نىسانعا تارتىلعان ينۆەستيسيانىڭ جالپى كولەمى – 485،2 ميلليون تەڭگە.

فوتو: اقوردا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي