USD 334.89 EUR 361.61 RUB 5.28
استانا:

اكە مەن اناعا جاساعان جاقسىلىق تا، جاماندىق تا ٴوز بالالارىڭنىڭ الدىنان شىعادى – ەلباسى

قر پرەزيدەنتى نۇرسۇلتان نازاربايەۆ «قازاقستان» ۇلتتىق ارناسىنداعى نۇرلان قويانبايەۆتىڭ «تۇنگى ستۋديا» باعدارلاماسىندا قوناقتا بولىپ، «باقىت» ۇعىمى توڭىرەگىندە وي قوزعادى، دەپ حابارلايدى قازاقپارات.

ەلباسى جاستارعا اقىل-كەڭەستەرىن بەرە كەلە، اتا-اناعا قۇرمەت جايىندا ايتتى.

«ٴبىز ۇلكەندەردى سىيلاپ وسكەن قازاقپىز. قاريالاردى قازىنامىز دەپ بىلگەن، انانى سۇيگەن، قۇرمەتتەگەن ادامبىز. انانىڭ اق سۇتىنەن ارتىق ەش نارسە جوق. مەنىڭ بارمايتىن جەرىم جوق قوي، بارلىعىن ارالاپ جۇرەمىن. بۇرىن مەنىڭ جاستاۋ كەزىمدە قارتتار ۇيىندە قازاقتىڭ قاريالارى بولماۋشى ەدى. ٴقازىر بارساڭ، قازاقتىڭ دا قاريالارى دا سول جەردە. جاندارىنا وتىرىپ: «بالالارىڭىز بار ما؟»، دەپ اڭگىمەلەسىپ، سۇراعانىمدا: «قايتەسىڭ سونى، سۇراماي-اق قوي!»، - دەيدى. بارلىعى تۇسىنىكتى بولادى. ارينە، سول كەزدە ٴىشىڭ اشيدى. اكە مەن اناعا جاساعان جاقسىلىق تا، جاماندىق تا ٴوز بالالارىڭنىڭ الدىنان شىعادى. ٴار ۋاقىتتا ويلانىڭدار. ولارعا ٴبىر نارسەنى ٴبولىپ بەرۋدىڭ كەرەگى جوق. جالاقىلارىڭنىڭ جارتىسىن اپارىپ بەرۋدىڭ دە قاجەتى جوق. بەس مينۋت جانىندا وتىرىپ، «پاپا، ماما» دەسەڭ - سول كەرەك. ولارعا باسقاسى كەرەك ەمەس. سەندەرگە ٴبىر ايتارىم وسى ەدى»، - دەدى پرەزيدەنت.

سونداي-اق مەملەكەت باسشىسى باقىت تۋرالى ٴسوز قوزعاپ، قازاقستاندىقتارعا باتاسىن بەردى. نۇرسۇلتان نازاربايەۆ جاقىندا گارۆارد ۋنيۆەرسيتەتى «باقىت دەگەن نە؟» دەگەن سۇراققا ساۋالناما وتكىزگەنىن، مىڭ ادامنان جاۋاپ الىنعاننان كەيىن، باقىت ٴتورت نارسەدەن تۇراتىندىعى انىقتالعانىن ايتتى.

«ەڭ ٴبىرىنشى باقىت - ول باۋىرىڭا باساتىن بالاڭ. ايەلدىڭ شاشى جىبەكتەي بولاتىنى، ونىڭ شاشىنان كۇنىنە ٴبىر رەت سيپاپ وتسەڭ - سولاي بولادى. ەكىنشىدەن، بويىڭ سۇڭعاق ٴارى ادەمى بولۋىڭنىڭ سەبەبى - تاماعىڭنىڭ جارتىسىن اشقا بەرسەڭ. سونداي-اق، بالاڭدى جاقسى كورۋ، ۇيىڭدەگى جۇبايىڭمەنەن ٴتۇسىنىسىپ ٴومىر ٴسۇرۋ، جولداستارىڭمەن قاتىناسىڭ، كوڭىلىڭدى كوتەرۋ دەگەن سياقتى قاراپايىم نارسەلەر ادامنىڭ باقىتىنا اكەلەدى. ونى وزدەرىڭ بىلەسىڭدەر. سوندىقتان، باقتارىڭ باستارىڭنان تايماسىن»، - دەپ تىلەدى قازاقستان پرەزيدەنتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي