BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

2018 جىلعى مەملەكەتتىك سىيلىقتىڭ يەگەرى انىقتالدى

استانا، baq.kz. قازاقستان رەسپۋبليكاسىنىڭ 2018 جىلعى ادەبيەت پەن ونەر سالاسىنداعى مەملەكەتتىك سىيلىعىن بەرۋ تۋرالى قاۋلىسى جاريالاندى. بۇل تۋرالى اقوردانىڭ ٴباسپاسوز قىزمەتى حابارلادى.

قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ ۇسىنىمدارىن قاراپ، قاۋلى ەتەمىن:

1. قازاقستان رەسپۋبليكاسىنىڭ 2018 جىلعى ادەبيەت پەن ونەر سالاسىنداعى مەملەكەتتىك سىيلىعى:

1) اقىن تىنىشتىقبەك ابدىكاكىموۆكە – «القوڭىر دۇنيە» ولەڭدەر مەن باللادالار جيناعى ٴۇشىن;
2) اۆتورلار ۇجىمىنا: تولەۋبەك نىعمەت ۇلى الپيەۆكە، الان اسقار ۇلى بورىبايەۆقا، سۇندەت ٴابدىراحمان ۇلى بايعوجينگە، «استانا وپەرا» مەملەكەتتىك وپەرا جانە بالەت تەاترى» كوممەرسيالىق ەمەس اكسيونەرلىك قوعامىنىڭ شىعارماشىلىق ۇجىمىنا قاتىسۋشىلارعا – «اباي» وپەراسى (ل. حاميدي، ا. جۇبانوۆ) ٴۇشىن;
3) اۆتورلار ۇجىمىنا: اقان قارعامباي ۇلى ساتايەۆقا، ٴاليا نۇرسۇلتانقىزى نازاربايەۆاعا، تيمۋر قازبەك ۇلى جاقسىلىقوۆقا، التىناي باۋىرجانقىزى نوگەربەككە، ٴادىل ەرالى ۇلى احمەتوۆكە – «اناعا اپارار جول» تولىقمەترلى كوركەم ٴفيلمى ٴۇشىن;
4) اقىن اقۇشتاپ باقتىگەرەيقىزى باقتىگەرەەۆاعا – «انا سىرى» ولەڭدەر مەن باللادالار جيناعى ٴۇشىن;
5) اقىن وتەگەن ورالباي ۇلى ورالبايەۆقا – «شۋاقتى شاق» جىر جيناعى ٴۇشىن بەرىلسىن.

2. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ن.نازاربايەۆ

استانا، اقوردا، 2018 جىلعى 28 قاراشا

№ 794


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي