USD 335.71 EUR 357.36 RUB 5.23
استانا:

«جول كارتاسى» اياسىندا جۇمىسپەن قامتىلعاندار سانى 6،3%-عا ٴوستى

فوتو: Forbes.kz

«جول كارتاسى» اياسىندا بەس جىلدا جۇمىسپەن قامتىلعاندار سانى 6،3 پايىزعا ٴوستى. بۇل تۋرالى بۇگىن سەناتتا ٴوتىپ جاتقان «جۇمىسپەن قامتۋ كارتاسىن قۇقىقتىق قامتاماسىز ەتۋ شارالارى تۋرالى» دوڭگەلەك ۇستەلدە قر دەنساۋلىق ساقتاۋ جانە الەۋمەتتىك دامۋ ٴمينيسترى تامارا دۇيسەنوۆا مالىمدەدى، دەپ حابارلايدى baq.kz ٴتىلشىسى.

«وزدەرىڭىزگە بەلگىلى، 2008-2009 جىلدارداعى الەمدىك داعدارىس كەزىندە ەلباسىنىڭ تاپسىرماسىنا سايكەس «جول كارتاسى» باعدارلاماسى ىسكە اسىرىلعان بولاتىن. ونىڭ نەگىزگى ماقساتى قيىن كەزەڭدە ەڭبەك نارىعىنداعى جاعدايدى ۋشىقتىرماي ساقتاپ قالۋ بولدى. بۇل جىلدارى ەلىمىزدە 9000-عا جۋىق ينفراقۇرىلىمدىق جوبا قارالىپ، ولاردىڭ اياسىندا 377 مىڭ ۋاقىتشا جۇمىس ورنى اشىلدى. 2011 جىلدان بەرى جۇزەگە اسىرىلىپ كەلە جاتقان «جۇمىسپەن قامتۋ جول كارتاسى-2020» وسى ۇلكەن سىناقتان وتكەن باعدارلامانىڭ جالعاسى دەپ ايتساق بولادى. بۇگىندە بۇل باعدارلاما ەكى ماسەلەنى شەشۋگە باعىتتالعان. بىرەۋى – جۇمىسسىز جانە ٴوزىن-وزى جۇمىسپەن قامتىعان xالىقتى ناتيجەلى جۇمىسپەن قامتۋعا تارتۋ. ەكىنشىسى – ەكونوميكالىق اxۋال كەزىندە جۇمىسسىزدىق دەڭگەيىن ارتتىرماۋعا قارسى شارالار"، - دەدى ۆەدومستۆو باسشىسى.

ٴمينيستردىڭ ايتۋىنشا، باعدارلاما جۇزەگە اسىرىلعان بەس جىلدىڭ ىشىندە جۇمىسپەن قامتىلعاندار سانى 6،3 پايىزعا ٴوستى.

«وتكەن بەس جىلدىڭ ىشىندە باعدارلاما اياسىندا جۇزەگە اسىرىلعان شارالار ەڭبەك نارىعىنداعى ساندىق ٴارى ساپالىق ماندەگى نەگىزگى كورسەتكىشكە وڭ اسەر ەتتى دەپ ايتۋعا بولادى. 2010-2015 جىلدارى جۇمىسپەن قامتىلعانداردىڭ سانى 6،3 پايىزعا ٴوستى. بۇل باعدارلامانى قارجىلاندىرۋعا بيىل بيۋدجەتتەن 128 ملرد تەڭگە بولىنگەن. جۇمىسقا ورنالاستىرۋ شارالارى ارقىلى 739 مىڭ ادام قامتىلدى. ميكروكرەديت الۋشىلار سانى 40،1 مىڭ ادامعا دەيىن ٴوستى. بيىل باعدارلاماعا قاتىسۋشىلار قۇرامىنا 116 مىڭ ادام ەنىپ وتىر. ونىڭ ىشىندە 66،4 %-ى – جۇمىسسىزدار، 32،4 %-ى – ٴوز بەتىنشە جۇمىسپەن قامتىلعاندار جانە 1،2 %-ى – جارتىلاي جۇمىسپەن قامتىلعاندار»، - دەيدى تامارا دۇيسەنوۆا.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي