BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

ۇلتتىق بانك ٴتوراعاسى قازاقستاننىڭ سىرتقى قارىزى تۋرالى ايتتى

فوتو: ашық дереккөзден

ۇلتتىق بانك ٴتوراعاسى دانيار اقىشەۆ قر پارلامەنتى سەناتىنىڭ وتىرىسىنان كەيىن كۋلۋاردا جۋرناليستەرگە قازاقستاننىڭ سىرتقى قارىزىنىڭ قازىرگى جاعدايى تۋرالى ايتتى، دەپ حابارلايدى baq.kz ٴتىلشىسى.

«ۇلتتىق بانك سىرتقى قارىزدى ەسەپتەيدى. بۇل ونى رەتتەيمىز، بولماسا وعان قانداي دا ٴبىر ىقپال ەتەمىز دەگەن ٴسوز ەمەس. بۇل – ۇلتتىق بانكتىڭ سىرتقى ەكونوميكالىق ستاتيستيكاسى سالاسىنداعى جانە تولەم بالانسىن قۇرۋ قىزمەتى. ەگەر ستاتيستيكا كوميتەتى ٴجىو ەسەپتەسە، ونىڭ وسىمىنە جاۋاپ بەرمەيدى. سول سياقتى ٴبىز سىرتقى قارىزدىڭ دۇرىس ەسەپتەلۋىنە جاۋاپ بەرەمىز. وكىنىشكە قاراي، توقسان سايىن سيفردى جاريالاعاندا ٴاردايىم «نەگە مۇنداي سىرتقى قارىز، ۇلتتىق بانك قايدا قاراپ وتىر؟» دەگەن سۇراق تۋىندايدى. ۇلتتىق بانك وسى جاعدايدى قاداعالاپ، بارلىق مەملەكەتتىك ورگانعا اقپارات بەرەدى»، - دەدى ول.

ۇلتتىق بانك ٴتوراعاسى قازاقستاننىڭ سىرتقى قارىزدارىنىڭ جاعدايى تۇراقتى ەكەنىن ايتتى.

«تىكەلەي مەملەكەتتىڭ، سونداي-اق كۆازيسەكتوردىڭ قارىزىن بولاشاقتا باقىلاۋ ٴۇشىن مەملەكەت جۇمىس ىستەيدى. مۇنداي قارىز جالپى سومانىڭ 24%ٴ-ىن عانا قۇرايدى. ياعني، سوما تىم كوپ ەمەس، ٴبىراق سونىمەن بىرگە مەملەكەت بۇل كومپونەنتتىڭ تۇراقتى مونيتورينگ پەن باقىلاۋدا بولۋىنا الاڭداۋشىلىق بىلدىرەدى»، - دەدى ۆەدومستۆو باسشىسى.

اقىشەۆتىڭ ايتۋىنشا، ۇلتتىق بانك ەكىنشى دەڭگەيلى بانكتەردىڭ سىرتقى قارىزىن ەسەپتەيدى.

«سوڭعى دەرەكتەر بويىنشا ٴقازىر بانكتەر قارىزى 6-7 ميلليارد دوللاردان اسپايدى. ون جىل بۇرىنعى كەزبەن سالىستىرعاندا بانكتەردىڭ سىرتقى قارىزى 50 ملرد دوللاردان اسىپ جىعىلاتىن. سوندىقتان ٴقازىر ەشقانداي پروبلەما جوق دەپ ويلايمىن»، - دەدى اقىشەۆ قر پالامەنت سەناتىنىڭ وتىرىسىنان كەيىن كۋلۋاردا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي