BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ۇقشۇ قۇپيا اقپاراتىن جاريا ەتكەندەرگە قاتىستى زاڭناما ناقتىلاندى 

قر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «2004 جىلدىڭ 18 ماۋسىمىنداعى ۇجىمدىق قاۋىپسىزدىك تۋرالى شارت ۇيىمى شەڭبەرىندە قۇپيا اقپاراتتىڭ ساقتالۋىن ٴوزارا قامتاماسىز ەتۋ تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاسيالاۋ تۋرالى» قر زاڭ جوباسى قارالدى، دەپ حابارلايدى baq.kz ٴتىلشىسى.

«سونىمەن، 4-باپ رەداكسياسى وزگەرتىلگەن. بۇرىنعى رەداكسيادا ٴار تاراپتان ناقتى قۇزىرلى ورگان كورسەتىلەتىن. ولاردىڭ وزەكتىلىگىن مەرزىمدى تۇردە كورسەتۋدى الىپ تاستاۋ ٴۇشىن اتالعان قۇزىرلى ورگان وزگەرگەن جاعدايدا ٴاربىر مەملەكەت ۇقشۇ باس حاتشىلىعىنا بۇل جونىندە ەسكەرتەتىنى تۋرالى وزگەرتۋ قابىلداندى. سونىمەن قاتار، ۇقشۇ قۇزىرلى ورگانىنىڭ قۇرامى ناقتىلاندى. جاڭا رەداكسيامەن ۇيىم حاتشىلىعى مەن بىرىككەن شتابىن تۇراقتى ارەكەت ەتۋشى جۇمىس ورگانى رەتىندە بەلگىلەنگەن. سونىمەن قاتار، ۇقشۇ كەڭەسىنىڭ شەشىمىمەن حالىقارالىق قۇقىقتىڭ باسقا سۋبەكتىلەرىن ۇيىمعا قوسۋ مۇمكىندىگى قاراستىرىلعان. سونىمەن قاتار، قۇپيا اقپاراتتى جاريا ەتۋگە جول بەرگەن تۇلعاعا قاتىستى زاڭدى قۇزىرەت ناقتىلاندى. جاڭا رەداكسيادا قۇپيا اقپاراتتىڭ رۇقساتسىز تارالۋىنا جول بەرگەن تۇلعا مۇنداي زاڭ بۇزۋشىلىق ورىن العان كەز-كەلگەن جاعدايدا سول مەملەكەتتىك ازاماتى بولىپ تابىلاتىن ٴدال وسى مەملەكەت قۇزىرەتىندە بولادى دەپ ناقتى جازىلعان»، - دەدى قر ۇلتتىق قاۋىپسىزدىك كوميتەتى ٴتوراعاسىنىڭ ورىنباسارى مارات ٴوسىپوۆ.

ٴتوراعا ورىنباسارى حاتتامانى راتيفيكاسيالاۋ ۇقشۇ اياسىنداعى قۇپيا اقپاراتتاردىڭ ساقتالۋىن قامتاماسىز ەتۋ سالاسىندا قازاقستاننىڭ وسى ۇيىمعا مۇشە-مەملەكەتتەرمەن ٴوزارا ارەكەتتەستىگىنە، قۇقىقتىق مەحانيزمنىڭ نىعايۋىنا ىقپال ەتەتىنىن ايتتى.

«بۇل حاتتاما بارلىق مۇشە مەملەكەتتەرمەن راتيفيكاسيالاندى جانە كۇشىنە ەندى. ونىڭ ىشىندە، سوڭعى بولىپ ناۋرىز ايىندا قىرعىزستان قوسىلدى. بۇل زاڭ جوباسى بويىنشا بارلىق قاجەتتى ساراپتاما جۇرگىزىلدى. حاتتامامەن ەنگىزىلگەن وزگەرىستەر قر كونستيتۋسياسى مەن زاڭدارىنا قايشى كەلمەيدى. اتالعان زاڭ جوباسى بارلىق مۇددەلى مەملەكەتتىك ورگانمەن كەلىسىلدى جانە رەسپۋبليكالىق بيۋدجەتتەن قوسىمشا قاراجات ٴبولىنۋىن قاجەت ەتپەيدى»، - دەدى ٴوسىپوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي