BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

تۇركىستان قالاسىن دامىتۋعا 6،5 ملرد تەڭگە بولىنبەك

قر پارلامەنتى ماجىلىسىندە 2018-2022 جىلعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسى تانىستىرىلدى، دەپ حابارلايدى baq.kz ٴتىلشىسى.

جيىندا قارجى ٴمينيسترى ٴاليحان سمايىلوۆ اتالعان زاڭ جوباسى شىمكەنت قالاسى مەن تۇركىستان وبلىسىنىڭ اكىمشىلىك وزگەرتۋ تۋرالى مەملەكەت باسشىسىنىڭ جارلىعىن جانە ولاردىڭ دامىتۋ بويىنشا شارالار قابىلداۋ تۋرالى تاپسىرمالاردى ىسكە اسىرۋ ٴۇشىن ازىرلەنگەنىن اتاپ ٴوتتى.

ونىڭ ايتۋىنشا، بيۋدجەتتىڭ نەگىزگى پارامەترلەرى وزگەرمەگەن. وسى ورايدا ول بيۋدجەتكە ەنگىزىلەتىن شىعىس وزگەرىستەرىنە بايلانىستى 155 ملرد تەڭگەنىڭ ٴبىر بولىگى قايدا جۇمسالاتانىنىن جەتكىزدى.

«ٴبىرىنشى، ەلباسىنىڭ شىمكەنت پەن تۇركىستاننىڭ اكىمشىلىك ستاتۋسىنىڭ وزگەرۋىنە بايلانىستى جانە ولاردى دامىتۋ تۋرالى بەرگەن تاپسىرمانى ورىنداۋعا باعىتتىلعان. ول ٴۇشىن بيۋدجەتتەن 29،7 ملدر تەڭگە ٴبولۋ قاراستىرىلىپ وتىر. ونىڭ ىشىندە 15،1 ملرد تەڭگە وسىعان دەيىن وڭتۇستىك قازاقستان وبلىسىنا ٴبولۋ كوزدەلگەن سۋبۆەنسيا»، - دەدى مينيستر.

سونداي-اق سمايىلوۆ تۇركىستان وبلىسى مەن شىمكەنت قالاسىن دامىتۋعا قوماقتى قاراجات ٴبولۋ جوسپارلانىپ وتىرعانىن جەتكىزدى.

«نىسانالى ترانسفەرتتەر اياسىندا اتالعان وڭىرلەردى دامىتۋ ماقساتىندا قوسىمشا 12،8 ملرد تەڭگە بولىنبەك. ونىڭ ىشىندە 6،5 ملرد تەڭگە تۇركىستان قالاسىن، 3،7 ملرد تەڭگە تۇركىستان وبلىسىن جانە 2،6 ملرد تەڭگە شىمكەنت قالاسىن دامىتۋعا بولىنەدى. سونداي-اق تۇركىستانعا وبلىس ورتالىعى ستاتۋسى بەرىلگەنى بەلگىلى. سوندىقتان ورتالىق اتقارۋشى ورگانداردىڭ جەرگىلىكتى بولىمدەرىن اشۋ قاجەت. اتالعان ٴىس-شاراعا 1،7 ملرد تەڭگە ٴبولۋ كوزدەلگەن»، - دەدى ول.

ٴسوز سوڭىندا ٴاليحان سمايىلوۆ بولاشاقتا بولىنەتىن اقشا وڭىردەگى ٴتۇرعىن-ۇي كوممۋنالدىق شارۋاشىلىعىن كوركەيتۋگە، جىلۋ ەنەرگەتيكاسىن، گاز جانە ترانسپورت سەكتورىن دامىتۋدى، ٴارى ٴبىلىم جانە دەنساۋلىق ساقتاۋ نىساندارىن سالۋعا جۇمسالاتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي