BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

توقايەۆ برازيليا ەلشىسىمەن كەزدەستى

پارلامەنت سەناتىنىڭ ٴتوراعاسى قاسىم-جومارت توقايەۆ برازيليانىڭ قازاقستانداعى ەلشىسى مارسيا دوننەر ابرەۋدى قابىلدادى، دەپ حابارلايدى baq.kz اقپارات اگەنتتىگى.

ٴتوراعا ەلشىنى قازاقستانداعى جۇمىسىنىڭ باستالۋىمەن قۇتتىقتاپ، تىلەكتەستىگىن ٴبىلدىردى جانە ونىڭ ديپلوماتيالىق قىزمەتى ەكىجاقتى ىنتىماقتاستىقتاعى ماڭىزدى مەجەگە تۇسپا-تۇس كەلگەنىن – ەكى ەلدىڭ اراسىنداعى ديپلوماتيالىق قاتىناستار ورناعانىنا 25 جىل تولعالى وتىرعانىن اتاپ ٴوتتى.

«بۇل جىلدار ىشىندە ٴبىزدىڭ ەلدەرىمىز اراسىنداعى قاتىناستار، ونىڭ ىشىندە جوعارى دەڭگەيدەگى ساپارلار الماسۋدىڭ ارقاسىندا دوستىق بايلانىستار ەلەۋلى تۇردە نىعايدى»، - دەدى سەنات ٴتوراعاسى.

اڭگىمە بارىسىندا قازاقستان مەن برازيليانىڭ ٴوزارا پارلامەنتارالىق ٴىس-قيمىلىن، ونىڭ ىشىندە پارلامەنتارالىق ۇيىمدار اياسىنداعى ىنتىماقتاستىقتى ودان ٴارى بەلسەندى جۇرگىزۋگە مۇددەلىلىك ٴبىلدىرىلدى.

ق.توقايەۆتىڭ ايتۋىنشا، ساۋدا-ەكونوميكالىق جانە ساياسي ىنتىماقتاستىقتى ورىستەتۋ ٴۇشىن ەلەۋلى مۇمكىندىكتەر بار. بۇل تۇرعىدا برازيليا سىرتقى ىستەر ٴمينيسترىنىڭ الداعى ساپارىنىڭ ماڭىزى زور بولعالى تۇر.

«بۇل ەكىجاقتى قاتىناستاردا ماڭىزى زور وقيعا، بۇل ساپار ٴبىزدىڭ ەلدەرىمىزدىڭ ىنتىماقتاستىعىنا سالماقتى سەرپىن بەرەدى»، - دەدى سەنات ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي