BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

سوعىس ارداگەرلەرى مەن سەمەي پوليگونىنان زارداپ شەككەندەرگە گوسپيتال سالۋدى ۇسىنىلدى

فوتو: интернеттен

قر پارلامەنتى ٴماجىلىسىنىڭ دەپۋتاتى باقىتبەك سماعۇل ۇلى وتان سوعىسى جانە اۋعان سوعىسى ارداگەرلەرىنە، چەرنوبلدەگى اپات زارداپتارىن جويۋعا قاتىسقان جانە سەمەي پوليگونىنان زارداپ شەككەن ادامدارعا لايىقتى مەديسينالىق كومەك كورسەتۋ ٴۇشىن جاڭا گوسپيتال سالۋ تۋرالى دەپۋتاتتىق ساۋالىن پرەمەر-مينيستر اتىنا جولدادى، دەپ حابارلايدى baq.kz ٴتىلشىسى.

ول ٴدال وسى دەپۋتاتتىق ساۋالىن ٴماجىلىس دەپۋتاتتارى اتىنان جانە ٴوز اتىنان بىرنەشە رەت جولداعانىن اتاپ ٴوتتى.

«وسى ورايدا سىزدەن جوبانىڭ الەۋمەتتىك ماڭىزدىلىعىن ەسكەرە وتىرىپ، 2018-2020 جىلدارعا ارنالعان رەسپۋبليكالىق بيۋدجەتتى قالىپتاستىرۋ كەزىندە جوبالىق-سمەتالىق قۇجاتتامانى ازىرلەۋگە شىعىستار قاراستىرىلاتىنى تۋرالى جاۋاپ تا كەلگەن بولاتىن. الايدا ماسەلە ازىرگە شەشىلمەگەندىكتەن دەپۋتاتتىق ساۋالمەن قايتا جۇگىنۋگە تۋرا كەلىپ وتىر»، - دەدى دەپۋتات.

ول قازىرگى تاڭدا ەلىمىزدە «ۇوس قاتىسۋشىلارى مەن مۇگەدەكتەرىنە جانە سولارعا تەڭەستىرىلگەن ادامدارعا بەرىلەتىن جەڭىلدىكتەر مەن ولاردى الەۋمەتتىك قورعاۋ تۋرالى» زاڭمەن جانە «سەمەي يادرولىق سىناق پوليگونىنان يادرولىق سىناقتار سالدارىنان زارداپ شەككەن ازاماتتاردى الەۋمەتتىك قورعاۋ تۋرالى» زاڭمەن 800 مىڭ ادام قامتىلعانىن اتاپ ٴوتتى.

«قازاقستاندا دەكرەتتەلگەن كونتينەنتتىڭ، ياعني، جەڭىلدىكتەر مەن ارنايى جاعدايلار بەلگىلەۋ ارقىلى وزدەرىنە مەملەكەت پەن قوعامنىڭ ارنايى كوڭىل ٴبولۋىن قاجەت ەتەتىن ازاماتتاردىڭ ۇلەسى جالپى حالىق سانىنىڭ 4،5 پايىزىن قۇرايدى. بۇل – رەسەي جانە ورتالىق ازيا مەملەكەتتەرىنەن الدەقايدا كوپ. اۋعان سوعىسىنا قاتىسقاندار مەن سەمەيلىكتەردىڭ، چەرنوبلدىقتاردىڭ ەگدە جاس توبىنا قوسىلۋىنا بايلانىستى ولاردىڭ مەديسينالىق كومەككە مۇقتاجدىعى بارعان سايىن ارتىپ كەلەدى. بۇل رەتتە رەسپۋبليكالىق كلينيكالىق گوسپيتالداردىڭ جاڭا عيماراتتارىن سالۋ ماسەلەسىن دەپۋتاتتار مەن اۋعان ارداگەرلەرى 2010 جىلدان بەرى ۇدايى كوتەرىلىپ كەلەدى. (...) استانا مەن الماتى قالالارىنداعى قولدانىستاعى گوسپيتالداردا ورىنداردىڭ شەكتەۋلى بولۋىنىڭ كەسىرىنەن ارداگەلەر رەسەيدە جانە تمد-نىڭ باسقا دا ەلدەرىندە مەديسينالىق كومەككە جۇگىنۋگە ٴماجبۇر بولۋدا»، - دەدى سماعۇل.

وسىعان بايلانىستى نۇر وتان فراكسياسىنىڭ مۇشەسى پرەمەر-مينيستردەن 2018-2020 جىلدارعا ارنالعان بيۋدجەتكە كەلەسى شارالاردى قارجىلاندىرۋ مۇمكىندىگىن قاراستىرۋدى سۇرادى.

«الماتىدا گوسپيتالدىڭ قيراعان عيماراتىنىڭ ورنىنا ەمدەۋ كورپۋسى قۇرىلىسىنىڭ جوبالىق-سمەتالىق قۇجاتتاماسى، استاناداعى كوپ بەيىلدى گوسپيتالدىڭ تيپتىك عيماراتى قۇرىلىسىنىڭ تەحنيكالىق-ەكونوميكالىق نەگىزدەمەسىن ازىرلەۋدى ۇلى وتان سوعىسىنداعى جەڭىستىڭ 75 جىلدىعىن مەرەكەلەۋگە دايىندىق جوسپارىنا قوسۋىڭىزدى وتىنەمىن. قازاقستاندىقتاردىڭ ٴومىر ٴسۇرۋ ۇزاقتىعىنىڭ ارتۋى جانە حالىقتىڭ قارتايۋىنا بايلانىستى پەرسپەكتيۆادا اتالعان گوسپيتالدار بازاسىندا يليوتيبيالدىق ورتالىقتار قۇرۋ، سونداي-اق قر قارۋلى كۇشتەرى جانە قۇقىق قورعاۋ ورگاندارىنىڭ قىزمەتكەرلەرىنىڭ وتباسى مۇشەلەرىن دە وسى گوسپيتالدارعا تىركەۋ ورىندى دەپ سانايمىن»، - دەپ ٴسوزىن تۇيىندەدى دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي