BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

سيرياداعى قازاقستاندىقتاردى قايتارۋ ماسەلەسى قالاي قارالىپ جاتىر

فوتو: kramola.info

سىرتقى ىستەر ٴمينيسترىنىڭ ٴبىرىنشى ورىنباسارى مۇحتار تىلەۋبەردى قر پارلامەنتى ٴماجىلىسىنىڭ كۋلۋارىندا سيرياداعى قازاقستاندىقتاردى ەلگە قايتارۋ ماسەلەسى قالاي قارالىپ جاتقانىن ايتتى، دەپ حابارلايدى baq.kz ٴتىلشىسى.

«سيريا مەن يراكتاعى ازاماتتارىمىز بەن ولاردىڭ بالالارىنىڭ ورنالاسقان جەرىن انىقتاپ جاتىرمىز. ولاردى قايتارۋ ماسەلەسى قارالىپ جاتىر. يوردانياداعى ەلشىلىگىمىز بەن ليۆانداعى باس كونسۋلدىق ازاماتتارىمىزدى ىزدەۋمەن اينالىسىپ جاتىر. بۇدان بولەك سول جاقتا جۇرگەن وتانداستارىمىزدىڭ اتا-انالارىمەن دە بايلانىستامىز. سول سەبەپتى بۇل ماسەلەمەن ٴسىم عانا ەمەس، ارنايى قىزمەتتەر، قورعانىس مينيسترلىگى، ٴىىم، تجك دە اينالىسىپ جاتىر»، - دەدى.

ول ازاماتتاردى ەلگە قايتارۋ مۇمكىن بولسا بولسا ولاردى اكەلۋگە ۇشاق بەرىلەتىنىن اتاپ ٴوتتى.

«سيريا مەن يراكتاعى ازاماتتاردى سول جاقتاعى بيلىك تەرروريستىك قىزمەتكە قاتىستىلىعىن انىقتاۋ ماقساتىندا ارنايى تەكسەرىستەن وتكىزىپ جاتىر. وتانداستارىمىزدىڭ كىناسىزدىگى انىقتالعان سوڭ قازاقستان تاراپىنا بەرىلەتىن بولادى. ولاردىڭ اراسىندا بالالى ايەلدەر دە بار. ولاردى تەرروريستىك ىستەرگە قاتىسى بار دەمەيمىز. ال بالالاردى ەلگە الىپ كەلۋ ٴۇشىن اكەسىنىڭ نەمەسە اناسىنىڭ كەلىسىمى قاجەت»، - دەدى تىلەۋبەردى.

ونىڭ ايتۋىنشا، بالالاردى قايتارۋ مۇمكىن بولعانىمەن اتا-اناسى ارنايى تەكسەرىس اياقتالعانعا دەيىن سول جەردە بولادى.

«بىزگە جۇگىنگەن ولاردىڭ اجەلەرى بالالارىنىڭ (تەرروريستىك ىسكە - اۆت.) قاتىسى بارىن مويىندايدى. سوعان سايكەس ولار نەمەرەلەرىنە قاتىستى اتا-انا قۇقىعىنان ايىرۋ تۋرالى ماسەلە كوتەرە الادى»، - دەدى سىرتقى ىستەر ٴمينيسترىنىڭ ٴبىرىنشى ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي