BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

شىمكەنت قالاسىنان سەنات دەپۋتاتتارىن سايلاۋ كۇنى بەلگىلى بولدى

2018 جىلعى 5 قازاندا شىمكەنت قالاسىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ بولادى، دەپ حابارلايدى ۆaq.kz اقپارات اگەنتتىگى.

2018 جىلعى 10 تامىزدا قازاقستان رەسپۋبليكاسى ورتالىق سايلاۋ كوميسسياسىنىڭ 2018 جىلعى 5 قازانعا «شىمكەنت قالاسىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2018 جىلعى 9 تامىزداعى № 731 جارلىعىن ىسكە اسىرۋ جونىندەگى مىندەتتەرگە ارنالعان وتىرىسى بولدى.

قازاقستان رەسپۋبليكاسى ورتالىق سايلاۋ كوميسسياسىنىڭ ٴتوراعاسى ب. يماشەۆ وتىرىستى اشا وتىرىپ، كەزەكتەن تىس سايلاۋدى تاعايىنداۋ ٴۇشىن پرەزيدەنتتىڭ «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى» 2018 جىلعى 19 ماۋسىمداعى № 702 جارلىعىمەن جاڭا اكىمشىلىك-اۋماقتىق بىرلىكتىڭ - پارلامەنت سەناتىندا وكىلدىگى جوق، رەسپۋبليكالىق ماڭىزى بار شىمكەنت قالاسىنىڭ قۇرىلۋى نەگىز بولعانىن اتاپ كورسەتتى.

ورتالىق سايلاۋ كوميسسياسىنىڭ وتىرىسىندا ەكى ماسەلە قارالدى:

- شىمكەنت قالاسىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى ازىرلەۋ مەن وتكىزۋ جونىندەگى نەگىزگى ٴىس-شارالاردىڭ كۇنتىزبەلىك جوسپارىن بەكىتۋ تۋرالى;

- شىمكەنت قالاسىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ جونىندەگى سايلاۋ قۇجاتتارى نىساندارىن بەكىتۋ تۋرالى.

پارلامەنت سەناتىنىڭ دەپۋتاتتارىن سايلاۋدى ازىرلەۋ مەن وتكىزۋ جونىندەگى ٴىس-شارالار تۋرالى بايانداي وتىرىپ، سايلاۋ پروسەسىن ۇيىمداستىرۋ جانە وسك مۇشەلەرىنىڭ قىزمەتىن قامتاماسىز ەتۋ ٴبولىمى مەڭگەرۋشىسىنىڭ م.ا. و. زاحاروۆا سايلاۋ ناۋقانىنىڭ: ۇسىنۋ، تىركەۋ، سايلاۋ الدىنداعى ۇگىتتى جۇرگىزۋ سياقتى نەگىزگى كەزەڭدەرىنە توقتالىپ ٴوتتى.

كانديداتتاردى ۇسىنۋ 4 قىركۇيەككە دەيىن سوزىلادى، ول شىمكەنت قالاسى ٴماسليحاتىنىڭ سەسسياسىندا، سونداي-اق ٴوزىن-وزى ۇسىنۋ تارتىبىمەن جۇزەگە اسىرىلا الادى.

پارلامەنت سەناتىنىڭ دەپۋتاتى جاسى 30-دان اسقان، جوعارى ٴبىلىمى بار جانە جۇمىس ٴوتىلى بەس جىلدان كەم ەمەس، سونداي-اق ەلىمىزدىڭ اۋماعىندا سوڭعى ون جىل جانە ٴوزى وكىلى بولىپ تابىلاتىن وڭىردە كەمىندە ٴۇش جىل تۇراقتى تۇراتىن، سونداي-اق وتەلمەگەن نەمەسە الىپ تاستالماعان سوتتىلىعى جوق جانە سىبايلاس جەمقورلىق قىلمىس پەن سىبايلاس جەمقورلىق قۇقىق بۇزۋشىلىق جاساۋداعى كىناسىن سوت زاڭنامادا بەلگىلەنگەن تارتىپپەن تانىماعان قازاقستان ازاماتى بولا الادى.

كانديداتتاردى تىركەۋ 14 قىركۇيەكتە اياقتالادى. پارلامەنت سەناتىنىڭ دەپۋتاتتىعىنا كانديدات بولىپ تىركەلۋ ٴۇشىن ۇمىتكەرلەر تاڭداۋشىلاردىڭ – شىمكەنت قالاسى ٴماسليحاتى دەپۋتاتتارىنىڭ كوپشىلىك سانىنىڭ قولداۋىنا يە بولۋى قاجەت.

سايلاۋ الدىنداعى ۇگىت 2018 جىلعى 15 قىركۇيەكتە باستالىپ، 4 قازاندا 00 ساعاتتا اياقتالادى. پارلامەنت سەناتىنىڭ دەپۋتاتتىعىنا كانديداتتارعا سايلاۋ الدىنداعى ۇگىتتى جۇرگىزۋگە رەسپۋبليكالىق بيۋدجەتتەن قاراجات بولىنەتىن بولادى.

سايلاۋ پارلامەنت سەناتى دەپۋتاتتارىنىڭ ەكى مانداتى بويىنشا ٴبىر ۋاقىتتا وتكىزىلەدى. وسىعان وراي، الداعى سايلاۋ ناۋقانىنا ازىرلەنگەن سايلاۋ قۇجاتتارىنىڭ نىساندارى: سايلاۋ بيۋللەتەنىنىڭ، داۋىستاردى ساناۋ ناتيجەلەرى تۋرالى سايلاۋ كوميسسياسى حاتتاماسىنىڭ جانە سەنات دەپۋتاتتارىن سايلاۋدا داۋىستاردى ساناۋ ناتيجەلەرى تۋرالى حاباردىڭ نىساندارى بەكىتىلدى.

شىمكەنت قالاسىنان سايلاناتىن پارلامەنت سەناتى دەپۋتاتتارىنىڭ وكىلەتتىك مەرزىمى 2014 جانە 2017 جىلدارى رەسپۋبليكانىڭ باسقا وڭىرلەرىنەن سايلانعان سەنات دەپۋتاتتارىنىڭ وكىلەتتىك مەرزىمىنە سايكەس كەلەتىن بولادى.

قازاقستان رەسپۋبليكاسى ورتالىق سايلاۋ كوميسسياسى شىمكەنت قالاسىنان پارلامەنت سەناتىنىڭ دەپۋتاتتارىن سايلاۋدى ۇيىمداستىرۋعا جانە وتكىزۋگە جالپى باسشىلىقتى جۇزەگە اسىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي