BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

سەناتتا كيبەر قاۋىپتەرگە قارسى ٴىس-قيمىل ماسەلەلەرى قارالاندى

استانا، baq.kz. پارلامەنت سەناتىندا حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ٴتوراعاسى داريعا نازاربايەۆانىڭ ٴتوراعالىق ەتۋىمەن «قازاقستاننىڭ كيبەر قالقانى» كيبەر قاۋىپسىزدىگى تۇجىرىمداماسىن ىسكە اسىرۋ ماسەلەلەرى بويىنشا مۇددەلى مەملەكەتتىك ورگانداردىڭ باسشىلىعىمەن كەزدەسۋ ٴوتتى. بۇل تۋرالى سەناتتىڭ ٴباسپاسوز قىزمەتى حابارلادى.

كەزدەسۋدى اشقان د.نازاربايەۆا اقپاراتتىق-كوممۋنيكاسيالىق تەحنولوگيالاردىڭ قارقىندى دامۋى، جاھاندىق سيفرلاۋ ۇردىستەرى ٴتيىستى ينفراقۇرىلىمداردى قورعاۋ جونىندەگى شارالار قابىلداۋدى تالاپ ەتەتىنىن اتاپ ٴوتتى. ٴتيىستى ينفراقۇرىلىمداردى قورعاۋ جونىندەگى قابىلدانعان شارالاردىڭ نەگىزگى ماقساتى قوعام مەن مەملەكەتتىڭ اقپاراتتىق قاۋىپسىزدىگىن قامتاماسىز ەتۋ بولىپ تابىلاتىنى اتاپ ٴوتىلدى.

«بۇكىل الەمدە كيبەر شابۋىلدار ٴقاۋپى ٴوسىپ كەلەدى. كيبەر قاۋىپتەردىڭ قاتەرى تەحنولوگياعا بايلانىستى بارلىق سالالاردا كۇشەيىپ بارادى. قازىرگى زاماندا كەز كەلگەن مەملەكەت ٴۇشىن كيبەر قاۋىپسىزدىكتى قامتاماسىز ەتۋ باسىمدىققا يە ەڭ ماڭىزدى مىندەت بولىپ تابىلادى»، - دەدى د.نازاربايەۆا.

كەزدەسۋدىڭ ماقساتى تۋرالى ايتا كەلىپ، سەناتور بۇل شارا بارىسىندا 2017 جىلى بەكىتىلگەن قازاقستاننىڭ «كيبەر قالقان» كيبەر قاۋىپسىزدىك تۇجىرىمداماسىن ىسكە اسىرۋدىڭ العاشقى قورىتىندىلارى شىعارىلاتىنىن اتاپ ٴوتتى. د.نازاربايەۆانىڭ ايتۋىنشا، قازىرگى جاعداي ٴبىرقاتار ساۋالدارعا جاۋاپ بەرۋدى تالاپ ەتەدى. ولار: تۇجىرىمدامانى زاڭنامالىق، تەحنيكالىق جانە ۇيىمداستىرۋشىلىق تۇرعىدا قامتاماسىز ەتۋ بويىنشا قانداي جۇمىستار اتقارىلدى؟ جۇيەنىڭ كيبەر قاۋىپسىزدىككە قارسى ورنىقتىلىعى قانشالىقتى نىعايدى؟ «كيبەر قالقاندى» قۇرۋدىڭ وسى كەزەڭىندە مەملەكەتتىك ورگاندار قانداي پروبلەمالارمەن بەتپە-بەت كەلىپ وتىر؟ كيبەر قاتەرلەرگە دۋشار بولاتىن ٴارى ەڭ ٴالسىز قاي سالالار؟ الدا قانداي جۇمىستاردى قول الۋ كەرەك؟ جالپى العاندا، جاڭا قاۋىپ-قاتەرلەردىڭ الدىندا كيبەرقاۋىپسىزدىك ستراتەگياسى پىسىقتاۋدى تالاپ ەتىپ وتىر ما؟

قورعانىس جانە اەروعارىش ونەركاسىبى ٴمينيسترىنىڭ ورىنباسارى تيمۋر شايمەرگەنوۆ «قازاقستاننىڭ كيبەر قالقانى» تۇجىرىمداماسىن ىسكە اسىرۋ اياسىندا قابىلدانعان قۇقىقتىق-ۇيىمداستىرۋ جانە تەحنيكالىق-ۇيىمداستىرۋ شارالارى تۋرالى سەناتورلاردى حاباردار ەتتى. مەملەكەتتىك ورگانداردىڭ، كۆازيمەملەكەتتىك سەكتوردىڭ جانە اقپاراتتىق-كوممۋنيكاسيا ينفراقۇرىلىمىنىڭ ماڭىزدى نىساندارىنىڭ اقپاراتتىق قاۋىپسىزدىگىن قامتاماسىز ەتۋ ٴۇشىن نورماتيۆتىك-قۇقىقتىق بازا قۇرىلعانىن جەتكىزدى. اقپارات قاۋىپسىزدىگى وقيعالارى بويىنشا ارەكەت ەتۋ جونىندەگى داعدارىسقا قارسى ۇلتتىق جوسپار بەكىتىلدى. قازاقستاننىڭ جوعارى وقۋ ورىندارىندا جانە «بولاشاق» باعدارلاماسى بويىنشا شەتەلدەردە «اقپاراتتىق قاۋىپسىزدىك جۇيەلەرى» ماماندىعى بويىنشا وقىتۋ تۋرالى دەرەكتەر ايتىلدى.

وتىرىستا ۇلتتىق قاۋىپسىزدىك كوميتەتىنىڭ وكىلى سەرگەي جۋراۆلەۆ، اقپارات جانە كوممۋنيكاسيالار ٴمينيسترىنىڭ ورىنباسارى دينارا ششەگلوۆا ٴسوز سويلەدى. سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەلەرى تولەۋبەك مۇقاشەۆ، سەرىك جاقسىبەكوۆ، مۇحتار قۇل-مۇحاممەد، نۇرجان نۇرسيپاتوۆ تالقىلاۋعا قاتىستى.

د. نازاربايەۆا تالقىلاۋدى قورىتىندىلاي كەلىپ، ۋاكىلەتتى ورگانداردى اقپارات قاۋىپسىزدىگى مەن تۇتاستاي ٴىت سالاسىنداعى وزەكتى ماسەلەلەردى شەشۋگە، دەرەكقورلار جاساۋعا، وتاندىق باعدارلامالىق ونىمدەر ازىرلەۋشىلەردى قولداۋعا، ٴتيىستى مەملەكەتتىك ورگانداردىڭ مىندەتتەرى مەن جاۋاپكەرشىلىگىن ناقتىلاۋعا بايلانىستى جۇمىستاردى جالعاستىرۋعا شاقىردى. سەنات كوميتەتىنىڭ ٴتوراعاسى كەزدەسۋ بارىسىندا قويىلعان ساۋالدار مەن ايتىلعان ۇسىنىستار مۇددەلى مينيسترلىكتەر مەن مەكەمەلەرگە جىبەرىلەتىن ۇسىنىستاردا كورسەتىلەتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي